145 पटक पढिएको
धनगढी –बझाङ जीप दुर्घटनामा मृत्यु भएका विनोद बोहरा नेपाली काँग्रेस बझाङका सभापति खडक बोहराका माइला छोरा भएको खुलेको छ। वैवाहिक कार्यक्रममा सहभागी हुन धनगढी हिँडेका सभापति बोहराको परिवार सवार सुपप्र ०१९००१ च ००९५ नम्बरको जीप गएराति १२ः४० बजे वित्थडचिर गाउँपालिका–४ देउलेख बजार नजिकै दुर्घटना भएको थियो।
दुर्घटनामा उनका माइला छोरा २७ वर्षीय विनोद बोहराको मृत्यु भएको प्रहरीले जनाएको छ। सभापति बोहरा सामान्य घाइते भएका छन्। दुर्घटनामा घाइते भएकी सभापति बोहराकी कान्छी बुहारी अञ्जु बोहरालाई उपचारका लागि धनगढी रेफर गरिएको छ।
घाइते खडक, उनका कान्छा छोरा पारस तथा चालकसमेत रहेका भतिज गोकुल बोहरा र गोकुलका दुई आमा सिन्की बोहरा र रत्ना बोहराको देउलेख प्राथमिक स्वास्थ्य केन्द्रमा उपचार भइरहेको बताइएको छ। जिल्ला प्रहरी कार्यालय बझाङका सूचना अधिकारी कमलप्रसाद चौधरीले जीप अनियन्त्रित भएर दुर्घटना भएको बताए।
दिनेश खबरबाट साभार
प्रतिक्रिया
सम्बन्धित खवर
