116 पटक पढिएको
बाजुरा– माध्यामिक शिक्षा परीक्षा एसईईको ग्रेडवृद्धि पुरक परिक्षाका लागि बाजुराबाट १२ सय ७९ बिद्यार्थीहरु सहभागी हुने भएका छन । गत चैत्र १७ गतेबाट सञ्चालन भएको एसईई परिक्षा दिई केहि विषयहरुमा उर्तिण हुन नसकेका र ग्रेडवृद्धि गर्न चाहने बिद्यार्थीहरु सहभागी हुने भएका छन । जिल्लाभरिका ५ सय ७५ जना छात्र र ७०४ जना छात्रा गरेर कुल १२ सयबढि बिद्यार्थीले ग्रेडवृद्धि पुरक परिक्षाको फर्म परेका शिक्षा विकास तथा समन्वय ईकाइ बाजुराले जनाएको छ ।
बाजुरा जिल्लाभरका ५४ वटा बिद्यालयका छात्र छात्रा ग्रेडबुद्धि परिक्षामा सहभागी हुदै छन । गत असार २३ मा सार्वजनिक भएको एसईई परिक्षाको नतिजाले बाजुरामा सबै भन्दाबढि गणित र अङग्रेजीमा अनुउर्तिण भएका देखिएको र पुरक परिक्षाका लागि पनि सबै भन्दा बढि बिद्यार्थीले गणित बिषयमा नै फर्म भरेका शिक्षा विकास तथा समन्वय ईकाइ बाजुरामा कार्यरत प्राविधिक सहायक ममतापाल सिंहले बताएकी छन ।जिल्ला सदरमुकाम मार्तडीमा हुने उक्त पुरक परिक्षाको तयारी लगभग अन्तिम चरणमा पुगेको उनले बताइन् । एसईईको पुरक परिक्षा यहि साउन २६ र २७ गते बिहान ८ बजेदखि ११ बजेसम्म देसभर हुदैछ । पुरक परिक्षाको अघिल्लो दिन अर्थात साउन २६ गते सानो कोड भएका बिषयहरु हुने छन ।
तर एउटै बिषय मात्रै दिनेहरुका लागि जुनसुकै बिषय भएपनि सोहि दिन हुनेछ भने पछिल्लो दिन २७ गते ठुलो कोड भएका बिषय हुने भएका छन ।त्यस्तै मार्तडीमा हुने पुरक परिक्षाका लागि पाँच ओटा परिक्षा केन्द्रहरुसमेत तोकिएका छन । जसअनुसार क र ख मालिका मावि, ग क्रेटरजोन एकेडेमी, घ बाजुरा क्याम्पस र ङ बालमन्दिर आधारभूत बिद्यालयहरुलाई परिक्षा केन्द्र तोकिएको शिक्षा कार्यालय बाजुराले जनाएको छ ।
प्रतिक्रिया
सम्बन्धित खवर
