बाजुरा- जिल्ला प्रहरी कार्यालय बाजुराले भारतको दिल्लीमा नेपाली नागरिकलाई हत्या गरी फरार अभियुक्त पुर्पक्षका लागी कारागार चलान गरेको छ । सोमवार अभियुक्तलाई अभियुक्तलाई भारतिय प्रहरीसंगको समन्वयमा पक्राउ गरी कारागारचलान गरिएको जिल्ला प्रहरी कार्यालय बाजुराले जनाएको छ । जिल्ला बाजुरा बुढीगंगा नगरपालिका वडा नं. ७ बस्ने बर्ष १९ को देबेन्द्रबि.क. भन्ने देबेन्द्र बहादुर लुहारले ऐ. घर भई नोकरीको सिलसिलामाभारतमा बस्दै आएको बर्ष ३८ को मंगल सिंह भन्ने मंगले लुहारलाई हत्यागर्ने योजना बनाई कंचनपुरको गड्डा चौकी नाका हुँदै मिति २०७८।११।१५ गते बिहान भारतको नयाँ दिल्ली पुगेका थिए। उक्त दिनभरी हत्या गर्नको लागी मौका कुरी बसी, मिति २०७८।११।१६गते तदनुसार २०२२ फेब्रुअरी २८ को राति ०३ः०० बजेको समयमाभारतको नयाँ दिल्ली, चाँदनीचोक नजिक सदर मार्केटमा मृतक सुतेको घरकोग्यालरीमा गई सुतिरहेको अवस्थामा निजको टाउकोमा काठको मुङ्ग्रोले ६पटक प्रहार गरी सो स्थान बाट भागी फरार रहेका थिए । हत्यापछि फरार रहेका अभियुक्तको नाममा मिति २०७८।१२।१५ गते जिल्ला प्रहरी कार्यालय बाजुरामा मृतकका छोराले किटानी जाहेरी दिएका थिए ।

फरार अभियुक्तलाई भारतिय प्रहरीसंगको समन्वयमा पक्राउ गरी मुलुकी अपराध संहिता, २०७४ को भाग १ परिच्छेद १ को दफा २ को (३) कबमोजिम उक्त ऐनको बहिर्क्षेत्रिय प्रयोग एवं ऐ. को परिच्छेद १२ को ज्यानसम्बन्धि कसूर (कर्तव्य ज्यान ) मुद्दामा सम्मानित बाजुरा जिल्लाअदालतबाट पहिलो पटक मिति २०७८।१२।१६ गते म्याद थप भई प्रहरी हिरासतमा राखी अनुसन्धान कार्य सुरु भएको जिलला प्रहरी कार्यालयका प्रहरी प्रमुख डिएसपी र्चतुभुज ओझाले जानकारी दिनुभएको छ । घटनास्थल मुलुक बाहिर रहेको कारण थप अनुसन्धानको लागि प्रदेश प्रहरी कार्यालय, धनगढी र प्रहरी प्रधान कार्यालय, ईन्टरपोल शाखा नक्सालको समन्वयमा पारस्परिक कानुनी सहायता ऐन, २०७० अनुसार भारतिय प्रहरीबाट घटनासंग सम्बन्धित सबुत प्रमाण र अनुसन्धानात्मक कागजजात संकलन गरिएका प्रहरी प्रमुख ओझाले बताउनु भएको छ ।

जिल्ला प्रहरी कार्यालय बाजुराका अनुसार घटनास्थलबाट प्राप्त सि.सी. टि.भि.फुटेजमा अभियुक्तको हत्यामा संलग्नता रहेको देखिनुका साथै सो मुद्दाका अनुसन्धान अधिकृत प्रहरी नायब उपरीक्षक चतुर्भुज ओझाले निज प्रतिवादी संग जिल्ला न्यायाधिवक्ता समक्ष लिएकोबयानमा समेत पूर्व रिसीवी साँध्न हत्या गरेको साबिति बयान दिएको बताइएको छ ।प्रहरी अनुसन्धान सम्पन्न भए पश्चात मिति २०७९।०१।१२ गते सम्मानितबाजुरा जिल्ला अदालतको आदेशले निज अभियुक्त देबेन्द्र बि.क. भन्ने देबेन्द्र बहादुर लुहार पुर्पक्षका लागी जिल्ला कारागार, बाजुरा चलान गरिएको प्रहरीको भनाई रहेको छ ।