203 पटक पढिएको
बाजुराः जिल्लाको खप्तड छेडेदह गाँउपालिकामा लागु भएको साहस नेपाल अन्तर्गतको लिफ्ट परियोजनाका बिभिन्न योजनाहरुको शुक्रबार अनुगमन भएको छ । लिफ्ट परियोजना मार्फत गाँउपालिकाको वडा नं. ७ र वडा नं. ५ मा निर्माण सम्पन्न भएका बिभिन्न योजनाहरुको अनुगमन गरिएको हो ।
साहस नेपालको लिफ्ट परियोजना मार्फत निर्मित वडा नं. ७ मा धान चुट्ने मेसिन कृषकहरुलाई हस्तान्तरण गरिएको छ। भने गाँउपालिकाको वडा नं. ७ दानी गाँउमा ३ लाख ९९ हजार बराबरको खानेपानी निर्माण कार्य सम्पन्न भएको सनुगमन गरिएको छ ।
त्यस्तै वडा नंम्बर ७ दानीगाँउ मै निर्माण सम्पन्न भएको माछा पोखरीको पनि अनुगमन गरिएको छ । साहस नेपाल लिफ्ट परियोजनाबाट निर्माण भएको माछा पोखरी दुइ लाखको लागतमा निर्माण कार्य सम्पन्न भएको हो ।
गाँउपालिकाको वडा नं. ६ मा निर्माण सम्पन्न भएको घट्टेकुलो पक्की सिचाइ कुलो को पनि अनुगमन गरिएको छ । उक्त सिचाइ कुलो पनि साहस नेपाल लिफ्ट परियोजना मार्फत नै निर्माण भएको साहस नेपालका फिल्ड सहायक दीपक धामीले बताउनु भएको छ । पक्की सिचाई कुलो १८ लाख ४५ हजार १६८ को लागतमा सम्पन्न भएको हो ।अनुगमनमा साहस नेपालका परियोजना अधिकृत देसेन्द्र राई, साहस नेपालका फिल्ड सहायक कर्मचरीहरु, पत्रकार र जनप्रतिनिधीहरुको उपििस्थति रहेको थियो । अनुगमनमा खप्तड छेडेदह गाँउपालिकाकी उपाध्यक्ष बिशु देवि नाथ, गाँउपालिकाका पुर्व अध्यक्ष नर बहादुर रावत, वडा नं. ६ का वडा अध्यक्ष हर्क बिष्ट र वडा नं. ६ का पुर्व वडा अध्यक्ष कुम्भनाथ योगी रहनु भएको थियो । साहस नेपालले बाजुरा जिल्लाका अधिकाँश स्थानहरुमा भिन्न क्षेत्रमा निर्माण तथा कृषि सम्बन्धी परियोजनाको संचालन गरी काम गर्दै आएको छ ।
साहस नेपालको सम्पुर्ण कार्यक्रमको समयावधि सम्पन्न भएकोले जिल्लामा औपचारिक कार्यक्रमहरु समाप्त भएर बिदाई भएता पनि अन्य माद्यामबाट जिल्लाको बिकासका लागी सदैब लागी रहने साहस नेपालका परियोजना अधिकृत देसेन्द्र राईले बताउनु भएको छ । गाँउपालिकाका बिभिन्न वडाहरुमा बिकासे परियोजना लागु गरेर सहयोग गरेकोमा गाँउपालिका बासीहरुले धन्यबाद ब्यक्त गरेका छन ।
प्रतिक्रिया
सम्बन्धित खवर
