बाजुरा – गएको मंगलबार आएको भुकम्पपछि जिल्लामा स्थानीय त्रसित बन्दै गएका छन् । भुकम्प आउने हो कि भन्ने मानसिकताले कतै भुकम्पको कुरा हुँदा पनि स्थानीयहरु झसङ्ग हुने गरेका छन् ।
भुकम्प गएको एकसाता वितिसक्दा पनि यहाँका स्थानीयहरुमा भुकम्प आउने डर भने हटेको छैन । आइतबार राति भुकम्प आउने हल्ला चलेपछि स्थानीय रातभर जागाराम बसेका छन् । बाजुरा, हुम्ला, मुगु कालिकोट लगायतका बासिन्दा आइतबार रात भुकम्प आउने हल्ला चलेपछि घर बाहिर बसेका छन् ।
ज्योतिषी र केही स्थानीयहरुले राति भुकम्प आउने भनेर हल्ला फैलाएपछि राति घर छोडेर बाहिर निस्केको बुढीगंगा नगरपालिका–३ गडतोलाका स्थानीय चन्द्र रौलेले बताएका छन् । जिल्लाका बुढीगंगा, बुढीनन्दा नगरपालिका, हिमाली, जगन्नाथ र स्वामीकार्तिक खापर गाउँपालिका स्थानीय रातभर जागाराम बस्ने गरेका छन् । उनीहरुले जिल्ला बाहिर रहेका आफन्तलाइ घरमा भुकम्प आउने भन्दै फोन गरेको पाईएको छ ।
हुम्लामा पनि रातभर घरबाहिर चिसोमा आगो तापेर बसेका थिए । सोमबार बिहान १ बजेपछि भुकम्प आउने एकाएक हल्ला चलेको थियो । हल्ला चलेपछि सबै घर बाट निस्केर बाहिर बसेको हुम्लाका पत्रकार नवराज महतराले बताएका छन् । चिसोमा घर बाहिर खुला चौरमा आगो तापेर बसेका थिए । भुकम्प मापन केन्द्रका प्रमुख भरत कोइरालाले शंशारमा भुकम्पको भविष्यवाणी गर्ने कुनै प्रविधि नै नभएको बताएका छन् । हुम्ला, मुगु र बाजुरा जिल्लामा ठूलो भुकम्प जान्छ भन्ने हल्लाले रातभर स्थानीय नागरिक बाहिर बसेका थिए ।