130 पटक पढिएको
मिन बहादुर खड्का/बाजुरा– नेपाली काँग्रेसको छवि कमजोर बनाउने उद्देश्यले बाजुरा जिल्लाका केही पाटीपंतिहरुले अपबाह सूचना तथा समाचारबाट हल्ला फैलाएर नेपाली काँग्रेस पार्टीमा आँच आँउने काम गरेको भन्दै नेपाली कांग्रेस बडीमालिका नगरपालिका नगर कार्य समितिले प्रेस बिज्ञप्ति मार्फत आपत्ति जनाएका जनाएको छ ।
नेपाली काँग्रेस परित्याग गरेर नेकपा माओवादीमा प्रवेश भएका भन्ने अपवाह हल्ला फैलाउने नियतले केहि मिडियाहरुबाट समाचार प्रकाशन/प्रसारण गरी जनताहरुमा भ्रमात्मक संदेश फैलाएको भन्दै प्रेस बिज्ञप्ति जारी गरेकाे हाे ।
राष्ट्रियता, लोकतन्त्र र समाजवादको नारा बोकेको नेपाली काँग्रेस देशको एक शक्तिशाली पार्टी भएको सबैमा अवगत भएकै कुरा हो । यसै क्रममा बडीमालिका नगरपालिका वडा नं. ९ सेलाघाट टोलमा नेकपा माओपादी (केन्द्र) का केहि कार्यकर्ताहरु उक्त टोलमा टोल समिति गठन गर्ने भनी गएका थिए । सो टोलमा अध्यक्ष तथा सचिवलाई माात्र चयन गरेको थियो । केहि बिकासे योजनाको बारेमा छलफल गर्ने भनी उक्त टोलका स्थानियहरुलाई जम्मा गरी योजनाको विषयमा छलफल मात्र भएको थियो ।
कोही पनि पार्टी परित्याग गरी नेकपा माओवादीमा प्रवेश भएका छैनन् । सो टोलमा १३ घर परिवारका केहि ब्यक्तिहरुलाई पार्टी प्रवेश गरेको भनि अपबाह हल्ला फैलाउने नियतले केहि मिडियाहरुबाट समाचार प्रकाशन/प्रसारण गरी जनताहरुमा भ्रमात्मक संदेश पुर्याउने काम गरेकोले यसमा हाम्राे आपत्ति रहेको छ प्रेस बिज्ञप्तिमा भनिएको छ ।
यस्ता कु–भ्रमपुर्ण कामको घोर आपत्ति जनाउदछौ ।नेपाली काँग्रेसका कुनै पनि कार्यकर्ताहरु पार्टी प्रबेश नभएको र सो गाँउका नेपाली काँग्रेस परित्याग गरेर नेकपा माओवादीमा प्रवेश भएका भन्ने ब्यक्तिहरु कोही बिदेशमा रहेका छन । कोही सो ठाँउमा नै छैनन्। अपबाह हल्ला फैलाउने नियतले केहि मिडियाहरुबाट समाचार प्रकाशन/प्रसारण गरी जनताहरुमा भ्रमात्मक संदेशले नेपाली काँग्रेसका कार्यकर्ताहरुलाई हतास, निरास बनाउने जस्ता बद्नियत भ्रमात्मक समाचारहरु प्रकाशन भएकोले नेपाली काँग्रेस बडीमालिका नगरपालिका नगर कार्य समिति यस्तो भ्रमात्मक कामको लागि ध्यानाकर्षण जनाउदै यस्ता कु कार्य गर्ने पार्टी पंक्तीहरुको अपवाह हल्लाको पछाडी नलाग्न सम्पुर्ण कार्यकर्ताहरुलाई जानकारीका साथ यो बिज्ञप्ती जारी गरीएको छ । प्रेस बिज्ञत्तिमा उल्लेख गरिएको छ ।
प्रतिक्रिया
सम्बन्धित खवर
