121 पटक पढिएको
राम बहादुर दानी/बाजुरा– सामाजिक अभियान्ता रिता शाहीको पहलमा जिल्लाको बुढीगंगा नगरपालिका वडा नं. २ मा रहेको कन्सन बाजुराका १३ जना अनाथ वालबालिकाहरुलाई खाद्य सामाग्री वितरण गरिएको छ ।
विगत लामो समय देखी सामाजिक कार्यमा काम गर्दै आएकी शाहीले बुधबार १३ हजार बराबरको खाद्यन्न सामाग्री वितरण गरेकी हुन । कन्सनमा रहेका अनाथ बालबालिकाहरुलाई एक महिना सम्मको लागि भए पनि खान पुगोस भन्ने उद्देश्यले बिदेशमा रहेका बिभिन्न ब्यक्तिहरुसंगको सहकार्यमा बिभिन्न राहत वितरण गर्दै आएकी छन ।
यस अघि पनि अभियान्ता शाहीको पहलमा जिल्लाका बिभिन्न ठाँउमा खाँन समस्या भएका, वाडी पहिरोबाट पीडितहरुलाई राहत वितरण हुदै आएको छ । बुधबार वितरण गरेको सो राहत सामाग्री अष्ट्रेलियामा रहेको मानवसेवा संस्थाका संस्थापक प्रसाद सेडिनको सहयोगमा साईप्रसमा बस्ने समाजसेवी सेसमा लामाले पठाएको ११ हजार र अछामको साँफेवगरमा ब्यबशाय गर्दै आउनु भएका बिमल कुँवरबाट २ हजार गरी जम्मा १३ हजारको खाद्यान्न सामाग्री वितरण गरेकी हुन ।
बिभिन्न समस्यामा परेका ब्यक्तिहरुलाई सहयोगको पहल गर्दै आएकी शाहीको पहलमा बुधबार सो खाद्यान्न सामागी कन्सन बाजुरामा रहेका अनाथ बालबालिकाहरुलाई वितरण गरेको सामाजिक अभियान्ता शाहीले लोकतन्त्र विहानी न्यूजलाई जानकारी दिइन् ।
कन्सन बाजुरामा रहेका बालबालिकाहरुलाई केहि दिनका लागि भए पनि सहयोग पुगोस भन्ने उद्देश्यले ३ बोरा चामल, पाच किलो नुन, ४ दर्जन बिस्कुट, ३ पाकेट तेल, ३ किलो दाल सहयोग अभियान्ता शाही स्वयम् आफै पुगेर हस्तान्तरण गरेकी हुन ।
बुधबार वितरण गरेको खाद्यान्न केहि समयका लागी छाक टार्न टेवा पुग्ने उनी बताउछिन । कन्सनमा रहेका अनाथ बालबालिकालाई तत्काल झोला र स्टेसनरीमा धेरै समस्या भएकोले सके सम्म आफुले पहल गर्ने उनि बताउछिन ।
प्रतिक्रिया
सम्बन्धित खवर
