120 पटक पढिएको
बाजुरा– संविधान दिवस बाजुरामा ३ दिन सम्म मनाइने भएको छ । सरकारले असोज ३ गते संविधान दिवस तथा राष्ट्रिय दिवस भव्य रुपमा मनाउन तयारी गरे संगै बाजुरामा भव्यताका साथ मनाउने तयारी थालिएको छ ।
संविधान दिवस मूल समारोह जिल्ला समितिको सोमबार जिल्ला प्रशासन कार्यालय बाजुराको हलमा बसेको बैठकले संविधान दिवस मनाउने तयारी गरेको हो ।सीमित वर्ग र क्षेत्र विशेषमा मात्रै नभइ सबैको सहभागीताका साथ दिवस मनाउने संविधान दिवस मूल समारोह जिल्ला समिति बाजुराले जनाएको छ ।प्रमुख जिल्ला अधिकारी गोपाल कुमार अधिकारीका अनुसार दिवस असोज २, ३ र ४ गते गरि ३ दिन सम्म मनाउने निर्णय गरीएको छ । जिल्ला स्थित सरकारी कार्यालय संघ संस्था बिद्यालयहरूले कार्यालयको प्राङ्गण सरसफाइ गरी कार्यालयमा राष्ट्रिय झण्डा एवंम ब्यानर सजाउने भएको उनले बताए ।
प्रजिअ अधिकारीको अध्यक्षतामा बसेको बैठकले जिल्ला स्थित धार्मीक तथा पर्यटकिय क्षेत्रको सरसफाइ गर्ने, जिल्ला स्थित सरकारी कार्यालय तथा सार्बजनिक ठाउँहरूमा दिप प्रज्वलन गर्ने , जिल्ला स्थित स्थानिय संचार माध्याम बाट नेपालको संविधानमा केन्द्रित भएर सञ्चार माध्यममा बहस चलाउने लगायत कार्यक्रम तय गरिएको बताइएको छ ।
धार्मिक स्थलहरूमा पुजारी धर्मगुरूहरूबाट नित्य धार्मिक अनुष्ठान, संकल्प गर्दा राष्ट्र राष्ट्रियता, स्वतन्त्ररता र संबिधानका लागि जीवन उत्सर्ग गर्ने ज्ञात अज्ञात सहीदहरूको चिर शान्तिको कामना सहित पुजापाठ तथा प्राथाना गर्ने निर्णय गरिएको जानकारी पूप्त भएको छ ।
यि हुन हेर्नुहाेस निर्णयहरु
