बाजुरा –जिल्लाको खप्तड छेडेदह गाउँपालिका वडा . ३ को वडा कार्यालयमा तालाबन्दी गरिएको छ । स्थानीयहरु वडा कार्यालयमा सेवा लिन जादा वडा अध्यक्षले सेवा लिन गएका सेवा ग्राहीहरुलाई मधिरा सेवन गरि गाली गलोच र कुटपिट गरेको भन्दै वडा सदस्य द्वारा तालाबन्दी गरिएको हो ।

शुक्रबार स्थानीयहरु वडा कार्यालयमा प्रधानमन्त्री स्वरोजगारको फर्म भर्न गएको वेला समान्य बिवाद हुदा सोयम वडा अध्यक्ष दिपक रावतले जथाभावी गाली गलोच संगै अपशब्द प्रयोग गरि विभिन्न आरोप प्रतिआरोप लगाएर कुटपिट गरेपछि वडा कार्यालय तालाबन्दी गरिएको सोही वडाका वडा अध्यक्ष तुल बहादुर खड्काले जानकारी दिनुभयो । वडा कार्यालय ताला पनि वडा सदस्य खड्काले नै लगाएका हुन । वडा सदस्य खड्काका अनुसार प्रधानमन्त्री स्वरोजगारको फर्म भर्न आफ्नो छोरा बिनोद खड्का र अर्को चक्र सार्की गएका थिए । वडा अध्यक्षको कुटपिटबाट स्थानीय चक्र सार्की घाइते समेत भएको बताइएको छ । सार्कीको टाउकोमा चोट लागेको छ ।

वडा अध्यक्ष जस्तो जिम्मेवार व्यक्तिले पटकपटक यस्ता अनैतिक कार्य गर्दै आइरहनु भएको छ । हामी धेरै पटक चुप लागेर पनि बस्यौं । धेरै पटक यस्ता गल्ती काम दोहोराउनु भयो ।गाउँपालिकालाई मधिरा निषेधित क्षत्र बनाइएको छ । वडा कार्यालयको घेरा भित्र वडा अध्यक्षले मधिरा सेवन गरि सेवा लिन आएका सेवा ग्राहीलाई गाली गलोच संगै कुटपिट गर्नु कति सम्मको अन्याय हो । सोयम मलाई समेत विभिन्न आरोपहरु लगाउनु भएको छ ।त्यसकारण म आफै वडा कार्यालयमा ताला लगाउन बाध्य भए वडा सदस्य खड्काले भन्नुभयो ।

वडा अध्यक्ष जस्तो जिम्मेवार ब्यक्तिले सार्वजनिक ठाउँमा गाली ग्लोच गरि सेवा ग्राहकलाई कुटपिट गरेको हुदा वडा अध्यक्ष विरुद्ध सार्वजनिक मुद्दा हाल्ने तयारी भैरहेको पनि वडा सदस्य खड्काले बताउनु भयो ।अध्यक्ष रावतलाई कडा भन्दा कडा कानुनी कारवाही नभए सम्म वडा कार्यालयमा ताला बन्दी जारी राखने पनि वडा सदस्य खड्काको भनाई रहेको छ । एता वडा अध्यक्ष रावतलाई फोन गरेर बुझ्दा सामान्य बिवाद भएको र कुरै नबुझी तालाबन्दी गरेको  बताउनुभयो ।एमाले खप्तड छेडेदह पालिकाका प्रतिभासाली नेताका नामले परिचीत नेता रावतले पटकपटक मदिरा सेवन गरेर एकपछि अर्को गरि निन्दनीय कार्य गर्दै आइरहेका छन् । नेता रावत यस अघि पनि मदिरा सेवन गरेर हहोल्ला गरेको भन्दै प्रहरीको थुनामा समेत परेका थिए । यस अघि पनि मदिरा सेवन गरेर स्थानीयको खुट्टा समेत भाचेका रावतले फेरि अर्को गल्ती दोहोर्‍याएका छन् । वडा अध्यक्ष जस्तो जिम्मेवार ब्यक्तिले पटकपटक मदिरा सेवन गरेर यस्ता गल्ती दोहोर्‍याउनु समग्र वडा वासिका लागि लज्जास्पद बिषय नभएको स्थानीयहरुको बुझाई छ । अव आसन्न संघीय निर्वाचनमा गाउँपालिका अध्यक्षमा उम्मेदवारी दिन्छु भन्दै होमिएका रावतले पटकपटक यस्ता अनैतिक कार्य गर्नुले उनको राजनीति जीवन कतातिर जाला त ? के फेरि पनि जनताले रावतलाई बिश्वास गर्लान त ? यस्ता प्रकारका अनैतिक कार्य गर्नेलाई नै नेतृत्व पाउलान् त ? यी यावद प्रश्न खडा हुन्छन् ।