बाजुरा–जिल्लाको स्वास्थ्य अबस्थालाई कम्जोर हुन नदिन एमालेका नेताहरुले स्वास्थय तथा जनसंख्या राज्य मन्त्रीलाई भेटेर छलफल गरेका छन । आइतबार मन्त्रालयमै गएर जिल्लाका बिभिन्न स्वास्थ्य चौकीमा देखिने गरेका समस्याहरुको बारेमा छलफल भएको बुढीनन्दा नगरपालिकाका नगर प्रमुख जनक बोहराका प्रेस सल्लाहकार महेश कार्कीले जानकारी दिनु भएको छ ।

जिल्लाको सम्पुर्ण स्वास्थ्य समस्याका बारेमा बिशेष छलफल भएको पनि उनले जनाएका छन । जिल्लाका बिभिन्न अस्पताल तथा स्वास्थ्य चौकीहरुम डाक्टर ब्यबस्थापन, स्वास्थ्य सामाग्रीको ब्यबस्थापन जस्ता स्वास्थ्य समस्याहरुको विषय माथी मन्त्रालयमै गएर छलफल भएको हो । प्रतिनिधि सभा सदस्य लालबहादुर थापा, नेकपा एमाले केन्द्रिय सदस्य सहदेब बोगटी, बुढीनन्दा नगर प्रमुख जनक बोहोरा लगायतका नेताहरुले राज्य मन्त्रीसंग छलफल गरेका हुन ।

जिल्लाको पुर्वी उत्तरी क्षेत्रमा पर्ने कोल्टी प्राथमिक स्वास्थ्य केन्द्रको तत्काल क्षमता बिकास गर्ने विषयमा स्वास्थ्य तथा जनसंख्या राज्य मन्त्री हिराचन्द्र केशीसंग बिशेष छलफल भएको नगर प्रमुखका प्रेस सल्लाहकार कार्कीले लोकतन्त्र विहानी न्यूजलाई जानकारी दिनु भएको छ ।