126 पटक पढिएको
काठमाडौं– लमजुङको मर्स्याङदी गाउँपालिका, भुलभुले केन्द्र बिन्दु बनाएर गएको ५।३ म्याग्निच्युडको भूकम्पले १२ वटा घरमा क्षति पुगेको छ ।
बुधबार विहान ५ बजेर ४२ मिनेटमा गएको भूकम्प मध्य र पश्चिम नेपालका अधिकांश महशुस गरिएको थियो । भूकम्पले १२ वट घरमा क्षति पुर्याएको र अहिलेसम्म ४ जना घाइते भएको जानकारी आएको जिल्ला प्रशासन कार्यालय लमजुङले जानकारी दिएको छ ।
एका विहानै भूकम्पको ठूलै कम्पन आएपछि लमजुङ र आसपासका जिल्लाका बासिन्दा घर बाहिर निस्किएका थिए ।
यस सँगै सोही स्थानमा केन्द्र बनाएर विहान ८ बजेपछिको समयमा थप दुई पराकम्पहरू आएको महशुस गरिएको छ । विहान ८ बजेर १६ मिनेटमा ४ म्याग्निच्युड र ८ बजेर २६ मिनेटमा ५।३ म्याग्निच्युडका दुई पराकम्प मापन गरिएको राष्ट्रिय भूकम्प मापन तथा अनुसन्धान केन्द्रको वेवसाइटमा उल्लेख गरिएको छ ।
जिल्ला प्रहरी कार्यालय लमजुङ डिएसपी गंगा थापाका अनुसार भुकम्पबाट अहिलेसम्म ४ जना घाइते भएका छन् ।
घाइते हुनेमा मर्स्याङ्दी गाउँपालिकाका ४० वर्षीया उमा गुरुङ र ८३ वर्षीया खवकुमारी पाण्डे छन् । ‘बाँकी २ जनाको भने परिचय खुलेको छैन,’ डीएसपी थापाले भने, ‘यो प्रारम्भिक जानकारीमात्रै हो क्षति अझै बढ्न सक्छ ।’
लमजुङका प्रमुख प्रशासकीय अधिकृत जगदीश मिश्रले बिहानै भूकम्पको ठूलो धक्का महसुस गर्दा जिल्लाबासीहरु आत्तिएको मिश्रले बताए ।
प्रतिक्रिया
सम्बन्धित खवर
