118 पटक पढिएको
बाजुरा–जिल्लाको बडीमालिका नगरपालीका व.डा.नं ७ मा पनि अबको केही समयपछी4 जि सेवा सञ्चालन हुने भएको छ । जिल्लाको दुर्गम तथा नेटवर्क नआउने ठाँउमा पनि 4 जि सेवा सञ्चालन हुने भएकाले त्यहाँका स्थानिय खुसि भएका छन ।
करिब २ बर्षको लामो अन्तराल पछि निर्माणाधिन 4 जि सेवा सञ्चालन भएको काम करिब करिब ९० प्रतिशत सकीएको र अब १० प्रतिशत काम सकेपछि सो क्षेत्रमा पनी 4 जि सेवा सञ्चालनमा आउने ब. न. पा ७ का बडा. अध्यक्ष धर्मराज पाध्याले बताएका छन ।
२०७८ सालमै 4 जि सेवा सञ्चालन हुने भनीएतापनी टावरका लागी आबश्यक सामाग्री,सोलार पाता,ब्याट्री, तार उपकरण बाजुरामा आउन नसकेकोले उक्त काम रोकिएको थियो एक त बाजुराको रोडले पनी साथ नदीएकाले सामाग्री बाजुरामा ल्याउन सकिएको थिएन । त्यसको १ बर्षपछि सबै साम्रागी सो क्षेत्रमा पुगीसकेको र जडानको काम सुरु भइसेको र अब काम अन्तमि चरणमा पुगीसेको र चाँडो भन्दा चाँडो सो क्षेत्रमा सबै कुना काप्चामा सेवा सञ्चालन हुने पनी जानकारी प्राप्त गर्ने भएको छ ।
सो क्षेत्रको ढम्कने, रजातोली,गोपीसेरा,सिराडी, पोखरा, चुथी र जिल्लि क्षेत्रसम्म चल्ने गरी उक्त टाबर निमार्ण गरीएको छ । अब गाँउमै 4 जि सेवा सञ्चालन हुने सबै काम गर्न सदरमुकाम पुग्न नप्रर्ने ताजा घटना तथा सुचना सुन्न पाइने भनेर खुसि महसुस गर्दै सो टावर निमार्ण कम्पनीलाई धन्यबाद दिन्छन स्थानिय गौरी धामी । हुनत सो क्षेत्रमा यस अगाडी नत राम्रो संग मोबाइलमा टाबरनै आउथे मोबाइलमा टाबर ल्याउन पनी रुख चढ्नु प्रर्ने बाध्यता थियो अब 4 जि सेवा संगै मोबाइल टावरको पनी ब्यबस्था होस भनेर माग गर्छन त्यहाँका स्थानि बासिन्दाहरु ।
बिकट ठाँउमा अब 4 जि सेवा सञ्चालन हुने भएकाले सबै स्थानिय हर्षित भएका छन । अब मोबाइलमा नेट चलाउनको लागी केही महत्वपुर्ण काम गर्न सदरमुकाम धाउन नप्रर्ने हुदाँ सबै स्थानिय खुसिले गदगद भएका छन सो क्षेत्रको माउलेकमा अबस्थित 4जि को टाबरले ब.न.पा ७ का सबै क्षेत्रमा 4 जि सेवा सञ्चालन हुने भएको छ । अबको करिब केही सातामै सेवा सञ्चालन हुने र काम लगभग अन्तिम चरणमा पुगिसेको प्राप्त जानकारी भएको छ ।
प्रतिक्रिया
सम्बन्धित खवर
