बाजुरा– देउडा संकृतिको संरक्षणमा अनवरत रुपमा करिव १ दशक देखि लागेका गायक, संगीतकार एबम् पत्रकार राम बहादुर दानीको संगीत संयोजनमा तयार पारिएको देउडा गीतदिलका बिमारले असोज २ गते सार्वजनिक भएको छ । मौलिक भाषा संस्कृतिको संरक्षण र झलको मेटाउने उक्त गीतमा भाव रहेको छ ।

पहिलो पटक गीतमा स्वर दिएका भुपेन्द्र रावतले पनि सो गीतमा चर्चित गायिका पुर्णकला बि.सी संग आवाज भर्ने मौका पाएका छन । पछिल्लो समयमा प्रवासमा रहेर पनि नेपाली गीत संगीतलाई माया गर्दै आएका मोडेल एबम् निर्देशक राजेन्द्र बि.क.ले उक्त गीतको निर्देशन गरेका छन निर्देशक राजोन्द्र बि.क.ले पनि हाल सम्म दर्जन गीतहरुको निर्देशन र अभिनय गरि सकेका छन ।

मौलिक देउडा भाषाका गीतहरुको शब्द लेख्न अब्बल हरिश रावतले निकै नै माया प्रेम संग रहेर बिछोडका छेणहरुलाई गीतको माद्यामबाट चित्रण गर्दै यस गीतमा शब्द लेखनको काम गनु भएको छ । भुपेन्द्र रावतको प्रस्तुतिमा रहेको दिलका विमारले नामक देउडा गीतमा स्वयम् भुपेन्द्र रावत र चर्चित गायिका पुर्णकला बि.सी.ले आवाज भर्नु भएको छ । गीतका गायक भुपेन्द्र रावत, झरना बोहरा र प्रकाश बुढाले गीतमा अभिनय गरेका छन भने गीतको सम्पादन राजेश अनुरागले गर्नु भएको छ ।

लोकतन्त्र विहानी मिडिया हाउसको प्रस्तुतिमा रहेको यस गीतको भिडियो छायाँकन अमित बि.क.ले गर्नु भएको छ । श्री राम फिल्मस्ले दृश्य निर्माण गरेको छ भने लोकतन्त्र विहानी मिडिया हाउसले पोष्ट प्रोडक्शन गरेको छ । बिशेष डिजिटल रेकर्डिग स्टुडियोमा रेकर्ड भएको यस गीतको ध्वनी सम्पादन र म्युजिक एरेञ्ज बिजय कुमार थापा मगरले गर्नु भएको छ । गीत मंगलबार मात्र राम बहादुर दानी युटुव मार्फत सार्वजनिक भएको हो ।

करिव ७२ वटा गीतहरुको शब्द संगीत गरेका र २ दर्जन बढी गीतहरुमा आवाज भरि सकेका पत्रकार राम बहादुर दानीले यस गीतबाट साँगीतिक क्षेत्रमा आफुले थप हौसला प्राप्त गर्ने बिश्वास रहेको लोकतन्त्र विहानी न्युजलाई बताएका छन । गितले सोचे भन्दा बढी सफलता पाओस हाम्रो पनि शुभकामना छ ।
भिडियो हेर्न तलको लिँकमा क्लिक गर्नु होला ।