152 पटक पढिएको
बाजुरा। हिमाली गाउँपालिकामा संञ्चालन भएको बृहत नि शुल्क स्वास्थ्य शिविरबाट १ हजार १ सय ८६ जना उपचार पाएका छन ।हिमाली गाउँपालिकाको आयोजना तथा मोनमोहन मेमोरियल मेडिकल कलेजको प्राविधिक सहयोगमा कार्तिक २२ गते देखि २४ गतेसम्म संञ्चालित शिविरबाट १,१८६ जनाले उपचार लिएका छन । । ३ दिन सम्म संञ्चालन गरीएको शिविरमा विभिन्न रोगको विशषेज्ञ डाक्टरहरु बाट सेवा प्रदानगरीएको हिमाली गाउँपालिकाले जनाएको छ।
गाउँपालिकाका स्थानीय नागरिकको उपचारका लागी स्वास्थ्य शिविर आयोजना गरिएको भएपनि हुम्ला र मुगु जिल्लाका केहि स्थानीयहरुले समेत सेवा पाएको हिमाली गाउँपालिकाका अध्यक्ष गोबिन्द बहादुर मल्लले बताउनुभएको छ । गाउँपालिका भित्र रहेका दुर्गम तथा पिछडिएका गाउँका बासिन्दालाई कुनै पनि रोगबाट ग्रसित हुन नदिन उक्त स्वास्थ्य शिविरको आयोजना गरीएको पालिका अध्यक्ष मल्लले बताएका छन । स्थानियले आर्थिक अभावकै कारण कुनै पनि समस्या झेल्न नपरोस भन्ने उदेश्यले कार्यक्रमको आयोजना गरीएको बताइएको छ । स्वास्थ्य शिविरका क्रममा शिविरमा उपचार हुन नसकेका स्थानियहरुको उपचारका लागि हिमाली गाउँपालिका विशेष सहयोगमा काठमाडौँमा निशुल्क स्वास्थ्य उपचार गर्ने प्रक्रिया गरीएको पनि बताइएको छ ।
गाउँपालिकाकाबाट पनि जटिल खालका करिब २५ जना वढि विरामी पािलका बाहिर रिफर गरीएको गाउँपालिकाका सुचना अधिकारी राजबहादुर भण्डारीले बताउनुभयो । रीफर गरएिका सबै जनाको काठमाण्डौमा निशुल्क उपचार हुने र अन्य खाने बस्ने ब्यवस्थापनको प्रवन्ध गाउँपालिकाबाट हुने गाउँपालिकाका अध्यक्ष गोविन्द बहादुर मल्लले बताउनुभएको छ । गाँउपालिकाको हितको लागी आफ्नो कार्यकाल सम्म यस्तै उदाहरणिय काम गर्ने पनि उहाँले बताएका छन । यदि पालिका भित्र अझै पनि आर्थिक अभावका कारण कोहि कसैले रोग लुकाएर बस्नुभएको छ भने हामीलाई तत्काल खबर गरी उपचारको लागी काठमाण्डौमा पठाइने पनि अध्यक्ष मल्लले बताएका छन ।
प्रतिक्रिया
सम्बन्धित खवर
