बल बहादुर बोहरा, बाजुराः   बाजुरा जिल्लाको बुढिनन्दा नगरपालिका वडा नम्बर २ कोल्टी बजारमा खानेपानी समस्या भएको छ। निमार्ण गरीएका धाराहरुमा पानी नआँउदा बजारबासीहरुलाई निकै समस्या भएको छ । कोल्टी बजारबासीहरुको लागी यो समस्या विगत लामो समय देखि भोग्दै गरेको एक निकै जटील समस्या हो । बजारमा खानेपानीको अभावका कारणले बजार वासीहरुले निकै सास्ती खेप्नु परेको छ ।बजारतिरको सबै ठाँउमा खानेपानीका धारहरु निमार्ण भएता पनि धारामा राम्रोसंग पानी नआँउदा बजारबासीहरुलाई निकै समस्या भएको छ ।

बजारमा अझै पनि खानेपानीको यस्तो समस्या रहेको छ तर पनि यसमा कुनै पनि सरोकार वाला निकायको ध्यान भने जान सकेको छैन घरघरमा धारा जोडिएको भएपनि धारा सुख्खा अवस्था देखिन्,पानी नि आउदैन कसरी,गाईबस्तुलाई के खुवाउने आफु के खाने निकै समस्या भएको बजारबासीहरुको गुनासो रहेको छ । खानेपानी लाइन विस्तार गरेको ठाउँमा पाइप खुल्ला जमीन माथी भएको प्रस्ट देख्न सकिन्छ धारामा मात्र पानीको मात्रै अभाव होइन्,मुख्यतया पानी जम्मा गर्नको लागी टंकि नै राम्रो नहुँदा पनि निकै समस्या भएको हो । टंकीमा पानी कै अभाव रहेको छ । खानेपानीको मुख्य टंकीमा पानीको समस्या हुँदा बजारका स्थानीय टंकी भित्र गएर फोहोर खुट्टा समेत भित्र गएर पानीको लाइन जोड्ने गरेका छन ।त्यसले पनि अलिकता आएको पानि पनि धमिलो भएर आउने गरेको छ । बजारबासीहरुलाई अहिले नुहाउने र कपडा धुने पानीको समस्यालाई निकै पिराल्ने गरेको छ । त्यसैमा घरमा पिउनको लागी झनै अभाव रहेको छ ।

जति जोगी आए पनि कानै चिरेका भए झै,जुन सरकार आँउछन् चुनाव अगाडी ठुलाठुला आश्वासन देखाउछ्,जब चुनाव जितेर जान्छन् अनि गाँउतिर फर्केर पनि हेर्दैनन् स्थानियहरुको भनाई रहेको छ । कोल्टीको यो समस्या धेरै पहिला देखिको नै हो,जनप्रतिनिधि आँउछन् हेरेर जान्५न तर चाँसो कसैले दिएको समेत पाइदैन ,कहिले हामीहरुले राम्रोसंग पानको सुबिधा पाउने होला,कहिले कोल्टी बजारमा गुणस्तरीय पानीको सुबिधा होला भनेर बजारबासीहरु दिनरात चिन्तामा बसेर रात कटाउन बाध्य रहेका हुन्छन् । कोल्टीमा मात्रै नभई कोल्टी बजार को तल्लो बजार मा समेत खानेपानीको निकै समस्या रहेको छ ।

धारामा पानी नहुँदा बजारबासीहरु हातमा घैला बोकेर टंकि धाइरहेका हुन्छन्, बजारमा खानेपानीको सुबिधा छैन तरपाि यसमा कसैको ध्यान गएको छैन, बजारबसि भने खानेपानी बाट बञ्चित रहेका छन् नगर सरकार ले पानी बास्ता गरेको पाइदैन, बासीन्दाहरु बिहान बेलुका टंकी तिर धाउने गरेका छन सबै धारामा पानी कहिले जाने र कहिले नजाने कारणले स्थानिय हैरान भएका छन। धारामा पानी नआँउदा हामीले खेलाको पानी खाने गरेका छौ,पानी बिहान ,बेलुकी आधा घण्टा मात्र आउने गरेको छ पानी भर्न नपाँउदै सुकिहाल्छ, पानी बनाउन टंकि भित्रै जानु पर्ने बाध्यता रहेको छ । बजारमा खानेपानीको राम्रो सुबिधा गरीदिएको भए सबै बजारबासी खुसी हुने थिए एक जना ब्यापारीले लोकतन्त्र बिहानी न्युजसंग कुरा गर्दे बताउनुभएको छ ।