बाजुरा–जिल्लाको बडिमालिका ९ मा रहेको समता स्कुलमा आज छोैटोै बार्षिक उत्सव तथा अभिभावक भेला बिबिध कार्यक्रम
भव्यता का साथ बनाएको छ
शनिवार विद्यालयको प्रांगणमा भएको कार्यक्रमको औपचारिक रुपमा बडिमालिका नगरपालिका नगर प्रमुख अमर बहादुर खड्काले उद्घाटन गरेका हुन् ।कार्यक्रममा शैक्षिक तथा सांस्कृतिक नृत्य, नाच लगायत विद्यार्थीमा रहेको अन्तर्निहित प्रतिभाहरु प्रर्दशन गरेको स्कुलले जनाएको छ । उक्त कार्यक्रममा बोल्दै स्कुल विकास समिति अध्यक्ष टेक बहादुर थापाले बालवालिकामा रहेका प्रतिभा प्रस्फुटन गर्न अवसर दिने यस्ता कार्यक्रमले उनीहरुको सर्वाङगिण विकासमा महत्वपूण सहयोग पुग्ने बताए
फाउण्डेशन काठमाडौंद्धारा सञ्चालित समता स्कुल बाजुरा शाखाले छैटौँ बार्षिक उत्सव विविध शैक्षिक तथा सांस्कृतिक कार्यक्रम गरेर मनाएको हो ।
समता स्कुलको छैटौँ बार्षिक उत्सव तथा अभिभावक भेला कार्यक्रममा बोल्दै प्रिन्सिपल दिपेन्द्र रोकायाले विद्यार्थीहरुमा रहेका अन्र्तनिहित प्रतिभा प्रस्फुटन गर्न स्कुलले विभिन्न समयमा यस्ता कार्यक्रम गरिरहेको बताएका छन् । विद्यार्थीका प्रतिभा क्षमता र विविधता पहिचान गरेर विद्यार्थीहरुलाई प्रतिभामुखी बनाउन स्कुलले हरेक समयमा कार्यक्रमलाई निरन्तरता दिइरहेको प्रिन्सिपल रोकायाले बताए । त्यस्तै समता एजुकेशन फाउण्डेशनका संस्थापक अध्यक्ष दिपक संजेलले समता स्कुल कम शुल्कमा गुणस्तरिय शिक्षा दिन सफल भएको बताएका छन् स्कुलमा आर्थिक तथा भौतिक उपलब्धताको समस्या हुँदा हुदैँपनि गुणस्तरीय शिक्षा दिरहेको बताए । अहिले कक्षा ५ सम्म अध्यापन गराई रहेको समता स्कुलको विकासका लागि यँहाको स्थानिय तह र जनसमुदायको सहयोग रहयो भने अबको केहि बर्षपछि कक्षा १२ सम्म सञ्चालन गर्ने योजना रहेको अध्यक्ष संजेलले बताए ।
बडिमालिका नगरपालिकाको सहयोग पछि अहिलेसम्म सञ्चालन भइरहेको भन्दै नगर प्रमुख अमर खड्का सहित पालिकालाई धन्यवाद ज्ञापन गरेका छन् । आफ्नै स्कुल हो भनेर सबैले सहयोग गर्यौ भने राम्रो भवन निर्माण गरेर दुई बर्ष पछि करिब ७ सयबढि बिद्यार्थीहरुलाई कम शुल्कमा गुणस्तरिय शिक्षा प्रदान गर्ने लक्ष्य रहेको बताए।
समता स्कुलका प्रिन्सिपल दिपेन्द्र रोकायाको अध्यक्षतामा सुरु भएको छैटौँ बार्षिक उत्सव तथा अभिभावक भेला कार्यक्रममा प्रमुख अथिति बडिमालिका नगरपालिका नगरप्रमुख अमर बहादुर खड्का रहेका थिए । त्यस्तै बिशिष्ट अथितिमा समता एजुकेशन फाउण्डेशनका संस्थापक अध्यक्ष दिपक संजेल, कार्यकारी निर्देशक सुदर्शन पौडेल, बडिमालिका नगरपालिका प्रमुख प्रसाशकिय अधिकृत बम बहादुर केशी, बडिमालिका ९ का वडा अध्यक्ष सूर्यकिरण विक, समता स्कुल विकास समिति अध्यक्ष टेक बहादुर थापा, शिक्षक विद्यार्थी अभिभावक लगायतको उपस्थिति रहेको थियो । कार्यक्रमको सञ्चालन समता स्कुलका पुर्व प्रिन्सिपल धर्म कार्कीले गरेका थिए।