169 पटक पढिएको
बाजुराः जिल्लाको बडीमालिका नगरपालिका ८ की एक गर्भवती महिलालाई शुक्रबार नेपाली सेनाको हेलिकप्टर मार्फत उद्धार गरिएको छ । जिल्ला अस्पताल बाजुराका सुत्केरी हुन गएकी सोही नगरपालिका–८ थापाबाडाकी ३२ वर्षीया सन्तोषी कुमारी दानी (थापा) लाई नेपाली सेनाको हेलिकप्टर मार्फत उद्धार गरिएको जिल्ला प्रशासन कार्यालय बाजुराले जनाएको छ । सुत्केरी हुन गएकी महिलाको पाठेघरको बाहिर बच्चा बसेको र अत्याधिक रुपमा रक्तश्राव हुन थालेपछि अवस्था जटिल बनेकाले सेनाको हेलिकप्टरमा उद्धार गरिएको निमित्त प्रमुख जिल्ला अधिकारी रामकुमार तिमल्सिनाले मालिका टुडेलाई जानकारी दिएका छन् । उनले दिएको जानकारी अनुसार जिल्ला अस्पताल बाजुराले गर्भवती महिलाको अवस्था जटिल भएको सिफारिसपछि महिला तथा बालबालिका मन्त्रालय अन्तर्गत राष्ट्रपति महिला उत्थान कार्यक्रम मार्फत उद्धार गरिएको बताए । उद्धार गरिएकी महिलालाइ कर्णाली प्रदेशको प्रादेशिक अस्पताल सुर्खेत लगिएको छ । जिल्लामा उक्त कार्यक्रम प्रभावकारी बन्दै गएको छ । राष्ट्रपति महिला उत्थान कार्यक्रम संचालन
भएदेखि हालसम्म २९ जना महिलाको हेलिकप्टर मार्फत उद्धार गरिएको छ । जिल्लाको बुढीगंगा र त्रिवेणी नगरपालिकाको बीचमा रहेको बुढीगंगा नदीमा शुक्रबार दिउँसो डुवेर एक बालकको मृत्यु भएको छ ।मृत्यु हुनेमा त्रिवेणी नगरपालिका–४ तोलीका धुर्वबहादुर साउँदका १० वर्षीय छोरा रतन साउँद रहेको जिल्ला प्रहरी कार्यालय बाजुराका प्रहरी नायव उपरिक्षक दिलिप कुमार गिरीले मालिकालाई जानकारी दिएका छन् । उनले दिएको जानकारी अनुसार नदीमा माछा मार्ने क्रममा डुवेर बेपत्ता भएको खबरपछि मौरे प्रहरी चौकीले टोली खोज तलास गर्दा एक सय मिटर तल फेला पारेको प्रहरी नायव उपरिक्षक गिरीले बताए ।mनदीले बगाएर बेपत्ता भएका बालकको पोष्टमार्टम सहित आफन्तलाइ बुझाएको प्रहरी नायव उपरिक्षक गिरीले बताएका छन् ।
