53 पटक पढिएको
गोबिन्द्र राज तिमिल्सेना,बाजुराः जिल्लामा निः शुल्क फिजियोथेरापी तथा शारिरीक पुनस्र्थापना शिविर सञ्चालन हुने भएको छ । ह्याण्डिक्याप इन्टरनेशनल र मानव संसाधन केन्द्र (एच.आर.सी) बाजुराको आयोजना र बडिमालिका नगरपालिका ,जिल्ला अस्पताल बाजुरा र स्वास्थ्य कार्यालय बाजुराको समन्वयमा निः शुल्क फिजियोथेरापी तथा शाररिक पुनस्र्थापना शिविर सञ्चालन हुने एच.आर.सी बाजुराका परियोजना सहायक राम बिश्वकर्माले बताउनुभएको छ ।
उनले दिएको जानकारी अनुसार यहि जेठ २७ गते जुगाडा स्वास्थ्य चौकी भौनेरा र जेठ २८ गते मार्तडी स्वास्थ्य चौकी चुथीमा उक्त शिविर सञ्चालन हुने बताएका छन् । अहिले बडिमालिका १,२ र बडिमालिका ७ मा उक्त शिविर सञ्चालन हुने उनले बताएका छन् । निः शुल्क फिजियोथेरापी तथा शाररिक पुनस्र्थापना शिविरमा अपांगता भएका ब्यक्तिहरु,बालबालिका ,महिला,तथा अन्य ब्यक्तिहरुलाई फिजियोथेरापी सेवा प्रदान गरीने उनले बताएका छन् । त्यस्तै शिविरमा पाँच बर्ष मुनिका बालबालिकाको अपांगता सम्बन्धि सिघ्र पहिचान तथा परामर्श सेवा,महिलाहरुमा पाठेघरको समस्याहरु सम्बन्धि परार्मश सेवा,गर्धन,ढाँड,कुम दुखेको,नशा च्यापिएको,हड्डी भाँचिएको,पक्षघात भएको,मुख बांगिएको, हात झमझमाउने,जोर्नी मर्केको लगायतको फजियोथेरापी गरीने भएको छ ।
त्यस्तै फजियोथेरापी सम्बन्धि सबै खालको ब्यायम तथा परामर्श सेवा,बिरामीको अबस्था हेरी उपयुक्त स्वास्थ्य संस्थामा रेफर गर्नुका साथै आबश्यक सहायक सामाग्रीहरुको प्रबन्ध गरीने परियोजना सहायकबिश्वकर्माले बताउनुभएको छ । साथै निःशुल्क फिजियोथेरापी तथा शारिरीक पुनस्र्थापना शिविरमा सहभागी भई मौकाको फाइदा लिन हुन पनि उनले आग्रह गरेका छन् ।
प्रतिक्रिया
सम्बन्धित खवर
