72 पटक पढिएको
बाजुराः जिल्लाको बडीमालिका नगरपालिका वडा नम्बर १ पिनालेखमा एक घर भत्किएको छ । अविरल वर्षाका कारण हिजो दिउँसो स्थानिय मुकेश नेपालीको तीन तले घर भत्किएको प्रहरीले जनाएको छ । रातभरको अबिरल बर्षातका कारण घर भत्किदा घरभित्रको अन्नपात, लत्ताकपडा, भाडाकुडा लगायतका सामाग्रीमा क्षति पुगेको पीडित नेपालीले बताएका छन् । घर दिउँसो भत्किएकोले मानवीय क्षति भने नभएको उनले बताएका छन् ।
उनको सोहि घर भूकम्पले चिराचिरा पारेको थियो, अर्को कुनै घर नहुँदा सबै घरका परिवार सोही घरमा बस्दै आएका थिए तर हिजो एक्कासी घर भत्किदाँ घरमा बस्नै नमिल्ने भएको पिडित नेपालीले बताएका छन् । घर भत्किदाँ अहिले नेपालीको परिवार छिमेकीको घरमा बसिरहेका छन । अबिरल बर्षातका कारण जिल्लाका अन्य ठाउँमा पनि पहिरो संगै कयौँ घरबस्तीहरु पहिरोको जोखिममा परेका छन् , रातभरको अबिरल बर्षातले गर्दा जिल्लाका ९ वटै स्थानिय तहका कतिपय गाँउबस्ती अहिले बाढी पहिरोको उच्च जोखिममा रहेका छन् । कतिपय घरपरिवार घरै छोडेर खुल्ला चौरमा पाल टाँगेर बस्न बाध्यता भएका छन् ।
अबिरल बर्षातका कारण जिल्लाको खप्तड छेडेदह,त्रिबेणी,बुढीगंगा,गौमुल,बडिमालिका हिमाली लगायतका दर्जनौ गाउँबस्ती बाढी पहिरोको जोखिममा रहेका छन् । यता खप्तड छेडेदहको नाइना,सुदाडा,गुइवन।मैतोला, लगायतका दर्जनौ बस्ती पहिरोको जोखिममा रहेका छन् । स्वामिकार्तिक गाउँपालिकाको मुक्तीकोट हिमालीका गाउँबस्तीहरु पनि बाढी पहिरोको चपेटामा रहेका छन् । सबै पालिकामा भुकम्पले असर पारेका घरहरु अहिले भत्किने अबस्थामा रहेका छन् ।
प्रतिक्रिया
सम्बन्धित खवर
