150 पटक पढिएको
देवराज पाध्याय– बिगत लामो समय देखि बिवाद चुलिदै आएको मार्तडी थामलेख सडक खण्ड पटक पटक अबरोध भै आएको र मंगलबार मात्र प्रशासनको शक्ति प्रयोग गरी सुचारु भएको थियो । यसै क्रममा बडीमालिका नगरपालिका वडा नंं २ र वडा नं. १ का जनप्रतिनिधीरुको रोहवरमा जिल्ला प्रशासन कार्यालय बाजुरामा बसेको दुई पक्षिय बैठकबाट अवरोध भएको सो सडक खण्डमा भौनेराबाट माझिगाउ हुँदै जाल्पा देबि सम्म जोड्न डिपिआर भै निर्णय भएकोले हाल नियमित रुपमा चलि रहेको भौनेरा बुढाखोला हुँदै सुचारु भएको सडक पनि अवरोध नगरी नियमित सुचारु गर्ने भन्ने सम्झौता भएको थियो । दुबै तर्फबाट जाल्पादेबि सम्म जोड्ने रोडलाई सुचारु गर्ने र दुबै गाँउका स्थानियहरु बिच बिवाद नगर्ने भनेर सहमति भएता पनि सम्बन्धित कार्यालयमा डिपिआर भएको निर्णय हेर्दा कुँनै कागजात उल्लेख नभएको पाइएको छ ।
बडीमालिका नगरपालिका वडा नंं. २ का वडा अध्यक्ष डम्मर महत, भौतिक पुर्वाधार बिकास कार्यालय अछामका इञ्जिनियर जंग थापा र बडीमालिका नगरपालिका मेयर पदम बहादुर बडुवालका अनुसार मार्तडी थामलेख सडक खण्ड डिपिआरमा परेर निर्णय भैसकेकोले यस बिषयमा कुँनै बिबाद गर्न नहुँने कुरा बताएका थिए । यता बडीमालिका नगरपालिकामा डिपिआर भै निर्णय भएको पुस्तिकाको खोजि गर्दा पनि कुनै निर्णयको कागजात भेटिएको छैन । बडीमालिका नगरपालिका वडा नंं १ का वडा सचिव एबं ओभरशेयर बिष्णु खड्का र बडीमालिका नगरपालिकाका इञ्जिनियर हिक्मत रावलले नगरपालिकामा पनि सो भौनेरा माझिगाँउ घामताप्ने हुँदै जाल्पा देवि सम्म जोड्ने सडकको डिपिआर नभएको बताएका छन ।
बडीमालिका नगरपालिकाको कार्यालय र जिल्ला बन कार्यालयमा सो सडकको डिपिआर सम्बन्धी सुचना लिन खोज्दा दुबै कार्यालयमा सो निर्णयको माइनट नभेटिएको पाइएको छ । यता जिल्ला बन कार्यालय र बडीमालिका नगरपालिकाको कार्यालय बिच सडक निर्माण गर्दा बन बिनास हुँने बिषयमा डिपिआरको निर्णय पनि नपाइएको र कुँनै किसिमको निर्णय पनि नभएको पाइएको छ । यता जिल्ला बन कार्यालय र नगरपालिकामा निर्णय नभएकोले जँगलको ठुलो नोक्सान हुँने सम्भावना भएकोले जिल्ला बन कार्यालय बाजुराले उक्त सडक निर्माण कार्य रोक्न लगाउने भनी जिल्ला बन कार्यालयबाट कर्मचारी खटाउने कुरा जिल्ला बन अधिकृत कालिराम चौधरीले जनाकारी दिनु भएको छ ।
प्रतिक्रिया
सम्बन्धित खवर
