बाजुरा-जिल्लाको खप्तड छेडेदह गाउँपालिका वडा न . ६ मा रहेको वडा स्तरीय बाल क्लबको आयोजनामा सुक्र्रवार बालविवाह न्यूनीकरण सम्वन्धि जनचेतनामुलुक तथा सास्कृतिक कार्यक्रम सम्पन्न भएको छ ।

बालविवाह अन्त्य गरौं कुरा होइन काम गरौं भन्ने मुल नाराका साथ शुक्रबार वडा स्तरीय बाल क्लबका अध्यक्ष बिरेन्द्र बिष्टको अध्यक्षतामा कार्यक्रम सम्पन्न भएको हो । वडाले बिगत लामो समयदेखी बालबिवाह न्यूनीकरण गर्नका लागि विशेष पहल गर्दै आएको छ । पछिल्लो समयमा वडामा बालविवाहको दर कम भएको पाइएको छ । विभिन्न समयमा बालविवाह सम्बन्धि जनचेतनामुलक कार्यक्रम संचालन गर्दै आएको वडा बाल क्लबले शुक्रबार पनि वडा कार्यालयको आर्थिक सहयोगमा बालविवाह सम्बन्धि जनचेतनामूलक कार्यक्रम गरेको हो ।जनचेतनामूलक कार्यक्रम वालबिवाह सम्बन्धि सडक नाटक नित्य बक्तित्तोकला सहित देउडा प्रतियोगिता गरिएको बाल क्लब अध्यक्ष बिरेन्द्र बिष्टले जानकारी दिए। विभिन्न जनचेतनामुलक कार्यक्रम मार्फत समुदायमा सचेतना फैलाउन र बालविवाहको दर कम होस भन्ने उदेश्यले कार्यक्रमको आयोजना गरिएको उनेले बताए ।

जनचेतनामुलुक कार्यक्रममा प्रमुख अथिती वडा सदस्य मान बहादुर बिष्ट रहनु भएको थियो । एस्तै कार्यक्रममा बिशिस्ट अथिती दलित महिला सदस्य बिमला सार्की वडा सदस्य टुला बुढा, नेकपा एकीकृत समाजवादी जिल्ला सचिवालय सदस्य खगेन्द्र नाथ योगी , त्यस्तै कार्यक्रममा अथिती नेपाली कांग्रेस वडा कार्य समिति सभापति वीर बहादुर बुढा अन्य राजनीति दलका पार्टी प्रतिनिधि ,शिक्षक कर्मचारी बुद्धिजीवी ,लगायतको उपस्थित रहेको थियोे । कार्यक्रममा स्वागत मन्तव्य बाल क्लबका सहसचीव हिमाल धामीले राखेका थिए । कार्यक्रमको संचालन सचीव राजकुमार नाथले गरेका हुन ।