99 पटक पढिएको
काठमाडौं –प्रमुख प्रतिपक्षी दल नेकपा एमालेको केन्द्रीय सचिवालय बैठक आज बस्दै छ। बैठक दिउँसो १ बजे एमाले केन्द्रीय कार्यालय च्यासल ललितपुरमा बस्ने पार्टीका नेता विशाल भट्टराईले नेपाली रेडियो नेटवर्कलाई जानकारी दिए ।
गत वैशाख ३० मा सम्पन्न स्थानीय निर्वाचनको समीक्षा गर्ने र आगामी संघ र प्रदेशको निर्वाचनको तयारीलगायतका समसामयिक विषयमा छलफल हुने नेता भट्टराईले बताए ।
एमालेले चुनाव भएका ७५२ पालिकामध्ये २०५ पालिकामा प्रमुख जितेको थियो। बैठकमा गठन हुन बाँकी विभागको विस्तार र नवनिर्वाचित जनप्रतिनिधिको प्रशिक्षण तथा समसामयिक विषय पनि बैठकको छलफलका विषय छन्।
साथै, एमाले उपमहासचिव विष्णु रिमालको संयोजकत्वमा तयार भएको चुनावी समीक्षा रिपोर्ट आजकै सचिवालयको बैठकमा पेस गरिनेछ।
प्रतिक्रिया
सम्बन्धित खवर
