209 पटक पढिएको
बाजुरा- जिल्लाको स्वामिकार्तिक खापर गाउँपालिकाको सुइजिउलामा नुन बिक्री केन्द स्थापना संचालन गरिएको छम।
नुन बिक्री केन्द्रको उद्घाटन गाँउपालिका अध्यक्ष भरत रोकायाले गरेका छन । सोही उद्घाटन कार्यक्रममा गाउँपालिकाका निमित्त प्रशासकीय अधिकृत अमर रोकायात र वडा नम्बर ४ का वडाका अध्यक्ष सिहँ धामी वडा नम्बर १ का वडा अध्यक्ष अजय बिक लगायत वडा सदस्य नन्दलाल धामी गाउँपालिका कर्मचारीहरु र स्थानियहरुको उपस्थिति रहेको थियो ।
स्वामिकार्तिक खापर गाउँपालिकाले नेपाल साल्ट ट्रेडिङको नुन डिपो कोल्टी बाट १ लाख २० हजार रुपैयाको आयोडिन युक्त १ सय क्वीन्टल नुन खरिद गरेर स्वामिकार्तिक खापर गाउँपालिकामा नुन बिक्री केन्द्र स्थापना गरेको गाउँपालिका प्रवक्ता सिहँ धामिले बताएका छन। स्वामिकार्तिक खापर गाउँपालिकाका ५ वटै वडाका स्थानियहरुले बुढिनन्दा नगरपालिकाको कोल्टी बजारबाट दैनिकरुपमा उपभोग हुने १०० रुपैयाको १० किलो नुन लिनको लागि आवत जावत गर्दा १ हजार रुपैया खर्चिनु पर्ने बाध्यता हटाउनको लागि गाउँपालिकामा नुन बिक्रि केन्द्र स्थापना गरिएको गाउपालिका अध्यक्ष रोकायाले बताए ।
फागुन २९ गते सोमबार बाट गाउँपालिकाको नुन बिक्रि केन्द्र बाट १ सय जना स्थानियले ६ सय ४१ किलो नुन प्रति प्याकेट १२ रुपैयाका दरले किनेर लिएको वडा सदस्य नन्दलाल धामीले बताएका छन। आफ्नै गाउँपालिकामा नुन बिक्री केन्द्र स्थापना हुँदा स्वामिकार्तिक खापर गाउँपालिका स्थानिय बासिन्दाहरु खुसी भएका छन।
प्रतिक्रिया
सम्बन्धित खवर
