407 पटक पढिएको
बाजुरा– बाजुराका भुकम्प पिडितहरु अहिलेम्मि पनि मंसिरको चिसो रातमा पालमुनि रात कटाउन बाध्य रहेका छन । असोज १६ गते बझाङ केन्द्रबिन्दु भएर गएको भूकम्पका कारण घरबार बिहिन भएका जिल्लाका भुकम्प पिडीत यो मंसिरको चिसो महिनामा पनि पालमुनि पालकै ओच्छ्यान लगाएर रात कटाउन बाध्य भएका भएका छन ।
भुकम्पबाट प्रभावित भइसकेको लामो समय बितिसक्दा पनि कुनै पनि संस्था तथा स्थानिय सरकार बाट पहल नहुँदा कतिपय घरपरिवार चिसोमा रात कटाउन बाध्य रहेका छन । मंसिरको कठ्याङग्रिदो चिसोले गर्दा भुकम्प पिडितको लागी दैनिक जनजिवन कष्ठकर बन्दै गएको छ । बस्नको लागी समेत उचित ब्यबस्थापनको बस्ने घर नहुँदा दैलोमै रात कटाउन भुकम्प पिडित बाध्य भएका छन । यो चिसो मौषमको समयमा पालमुनि रात कटाउदाँ दैनिक स्वास्थ्यमा समेत असर परेको देखिन्छबालबालीका,बृद्धबृद्धाहरुको लागी दिनचर्या झन कष्टकर बनेको छ । रातभरीको चिसोले गर्दा बालबालिका र बयबृद्ध बिरामी पर्न थालेका छन । पालमा बस्नुपर्ने समस्याले चिसो बाट ग्रसित भएका छन् ।पटक पटक भुकम्पको पराकम्पन आइरहने भएकाले त्रसित भएका स्थानिय सामान्य चर्किएका घरमा बस्न सुरक्षित नहुने भन्दै अधिकांस भुकम्प पिडीतहरुको बास खुला आकाशमा हुदै आएको छ । पिडितले सामान्य पाल भन्दा बाहेक अरु केही राहत नपाएको गुनासो गरेका छन् । चिसोमा लुगाकपडा र खाद्यन्नमा निकै समस्या भएको भुकम्प पिडितले वताएका छन् । घरमा बस्ने अबस्था छैन, बसे कुन बेला भुकम्प आएर चेपिने डर,पालमा बस्दा बिरामी भएको भुकम्प पिडितहरुको गुनासो रहेको छ । ।
जिल्लामो कतिपय भुकम्प पिडितहरु अहिले पनि खुल्ला आकाश मुनि पाल टाँगेर बसीरहेका छन । यसले गर्दा दैनिक जनजिवनमा ठुलो असर पर्ने सम्भावना निकै बढेको देखिन्छ । धमाधम मानिसहरु बिरामी पर्न थालेका छन टाउको दुख्ने,रुघाखोकी लाग्ने,ज्वरो आउने जस्ता लक्षण भुकम्प पिडितहरुमा देखिन थालेका छन । भुकम्प पिडितहरुले अहिले चिसो पालमा रातकाटि रहेका छन । चिसो पालमा गर्भवती, सुत्केरी र वालवालिका र बृद्ध बृद्धा सबैभन्दा बढी प्रभाबित भएको स्वास्थ्य कर्मीहरुले बताउने गरेका छन । पटक पटक आइरहने भुकम्पको पराकम्पले जिल्लामा ७ हजार १ सय ३० घरमा क्षति भएको जिल्ला प्रशासन कार्यलय बाजुराको तथ्याकंममा उल्लेख गरिएको छ । बझाङमा असोज १६ गते मंगलबार दिउँसो गएको ६.३ रेक्टर स्केलको भूकम्पपछि निरन्तर सानाठूला परकम्प जाने क्रम जारी अझै र।हेको छ । पटकपटक पराकम्पन जाने डरले स्थानियहरु घरभित्र बस्न सकिरहेका छैनन । बाहिर बस्नको लागी पनि उचित ब्यबस्था भएको पाइदैन,स्थानिय सरकार पनि मौन बसेको देखिन्छ । कतै बाट पिडितहरुको लागी पहल भएको पनि देखिदैन । भुकम्पले जिल्लामा १३ सय ८३ घर पुर्ण रुपमा क्षति गरेको । त्यस्तै ५ हजार २९ र ७ सय १८ आंशिक रुपमा जोखिम पारेको छ। जम्मा ७ हजार १ सय ३० घरमा भुकम्पले क्षति पुर्याएको जिल्ला प्रशासन कार्यालय बाजुराको तथ्याकंमा उल्लेख रहेको छ ।
खप्तड छेडेदह गाउँपालिकामा ९ सय ८९ घरमा सबै भन्दा बढी पुर्ण रुपमा क्षती गरेको छ । त्यस्तै बडिमालिकामा १ सय १४, त्रिवेणीमा १ सय १०, बुढिगंगामा १ सय २६ र बुढिनन्दा नगरपालिका १७ घरमा पुणर्रुपमा भुकम्पले क्षति पुर्याएको छ । त्यसैगरी गौमुल गाउँपालिका २५ र हिमाली गाउँपालिकामा २ घरमा पुर्ण क्षति पुर्याएको जिल्ला प्रशासन कार्यलय बाजुराले तथ्याकंमा देखाएको छ । भुकम्पले मानवीय क्षति नभए पनि भौतिक क्षतिले तहसनहस बनाएपछि चिसोमा रात कटाइरहेका जिल्लाका भुकम्प प्रभावित अहिले राहत र पुनः स्थापनाको प्रतीक्षामा समेत रहेका छन् । तर पनि कतैबाट राम्रो संग पहल हुन नसक्दा भुकम्प पिडितहरु पाल तथा खृुल्ला आकाशमा रात कटाउन बाध्य भएका छन । जाडोको समयमा पालमुनि रात कटाउदा स्वास्थ्यमा निकै समस्या देखा परेको भुकम्प पिडितहरुले बताएका छन । आफुहरुलाई तत्काल राहत तथा पुनः स्थापनाको लागी पहल गर्न स्थानिय सरकार संग भुकम्प पिडितहरुले माग गरेका छन ।
प्रतिक्रिया
सम्बन्धित खवर
