बाजुरा–जिल्लाको पुर्वी उत्तरी भेगमा रहेकोे हिमाली गाउँपालिकाको केन्द्र धुलाचौरमा शीत भण्डार गृह निर्माण अन्तिम चरणमा पुगेको छ । राष्ट्रिय गौरवको आयोजना अन्तर्गत गाउँपालिकाको केन्द्र धुलाचौरमा शीत भण्डार गृह निर्माणको काम अन्तिम चरणमा पुगेको हो । पालिकाको एक करोड लागत र प्रदेश र संघ अन्तरगतको बजेट गरी दुई करोडामा शीत भण्डार गृह निर्माण भएको प्रमुख प्रशासकिय अधिकृत राजबहादुर भण्डारीले बताउनु भयो । शीत गृह भण्डार निर्माण भएपछी किसानले स्थानिय स्थरमा उत्पादन गरेका वस्तुलाई व्यवस्थित तथा ताजा रहने र पालिका भन्दा बाहिर ढुवानी गर्न सजिलो हुनेभएको छ ।
पालिकामै शित भण्डार गृह बनेपछी स्थानियहरुले स्थानिय स्थरमा उप्पादन गरेको बस्तु किसानले अर्कों ठाँउमा निर्यात गर्न सक्ने र फलफुल तथा तरकारी खेर जाने बाध्यता अन्त्य हुने हिमाली गाउँपालिका निमित्त प्रमुख प्रशासकीय अधिकृत भण्डारीले बताउनु भयो ।

उहाँका अनुशार बीउका लागि उत्पादन भएका वस्तु घरमा राखेर सम्भव नहुने र गाउँपालिकाको केन्द्र धुलाचौरमा शीत भण्डार निर्माण भएपछि किसानलाई फाइदा पुग्ने भएको छ । यो सँगै स्थानिय स्तरमा उत्पादन भएका तरकारी भण्डारण गरी बजारीकरण गर्न सकिने र सिजनमा उत्पादित तरकारी तथा फलफुलले राम्रो बजार पाउने विश्वास उहाँले गर्नुभयो ।

सिजनमा क्विन्टलको हिसाबले उत्पादन हुने आलु र प्याज बजारको मूल्य निकै कम हुँदा लागत उठाउन समस्या हुने गरेको थियो । भण्डारण गरेर पछि बिक्री गर्दा राम्रो आम्दानी गर्न सकिने कृषकहरुले बताएका छन् । शीत गृह भण्डार निर्माण भएपछी किसानलाई सहज हुने गाउँपालिका अध्यक्ष गोबिन्द बहादुर मल्लले बताउनु भयो ।

आगामी केही महिना भित्र शीत भण्डार निर्माण कार्य सम्पन्न भैसकेपछि व्यावसायिक कृषि गर्दै आएका किसानलाई सहज हुने भएको छ । राज्यले कृषि क्षेत्रका लागि अर्बौँको लगानी गरेको छ । उत्पादनका लागि ठूलो खर्च हुँदा बजारीकरणमा शीत भण्डारले सहजीकरण हुने उहाँले बिश्वास गर्नुभएको छ ।

किसानले शीत भण्डारबाट मौसममा उत्पादन गरेका वस्तुलाई बेमौसमको समयमा राम्रो र उचित मुल्यमा बिक्री गर्न सक्ने सम्भावना रहेकोे छ । कृषि र पर्यटन क्षेत्र प्रमुख स्रोतका रुपमा रहेकाले यसको संरक्षण र प्रवर्द्धनमा गाउँपालिकाको सहयोेग गर्ने गरेको गाउँपालिका अध्यक्ष मल्लले जानकारी दिनुभयो ।

हिमाली गाउँपालिकाले पनी प्राथमिकता कृषि र पर्यटन क्षेत्रमा रहेको भन्दै कृषिबाट पालिकालाई समृद्ध गाउँपालिका बनाउन सकिनेमा उहाँमा जोडदिनु भएको छ । अध्यक्ष मल्लले भन्नुभयो,गाउँपालिको विकास गर्नको लागी सबै नागरिक तथा राजनितिक दलका व्यक्तीहरु संग समन्वय र सहकार्य गर्न तयार रहेको र किसानलाई उत्साहित बनाउने तर्फ गाउँपालिका अघि बढेको उनको भनाई छ ।

साथै किसानलाई चाहिने उन्नत जातका स्थानीय रैथाने बाली लगायत फलफूल उत्पादन गरेर वितरण गरिने पालिकाले जनाएको छ । गाउँपालिका क्षेत्रमा उत्पादन राम्रो भए पनि बजारीकरणको समस्या रहेकाले शीत भण्डार निर्माण भएपछि त्यो समस्याको समाधान हुने पालिका अध्यक्ष मल्लले विश्वास व्यक्त गरेका छन् ।