मीन बहादुर खड्का– जिल्लाको खप्तड छेडेदह गाउँपालिका वडा न ३ र ४ का स्थानीयले उपभोग गर्दै आईरहेको विद्युत सेवा अवरुद्ध बनेको छ । गत असोज ३१ गते बाट तीन दिन सम्म आएको अबिरल बर्षातका कारण विद्युतिय नहर पहिरोले भासिएपछी अवरुद्ध बनेको हो ।

लागातारको बर्षातका कारण गाउँपालिकाका अन्य ठाउँमा पनि ठूलो मानवीय क्षेती गरेको छ । गाउँपालिकामा रहेको बार्जुगाड खोलाको वहाव बढेपछि काठेपुल बगाउनुका साथै खेतीयोग्य जमिनको छेउछाउ समेत कटान गरेको छ ।
हरेक बर्ष बर्षातको समय सुरु भए लगत्तै विद्युत सेवा अवरुद्ध बन्दै आएको थियो । यो बर्ष पनि बर्षातको समय सुरु भएपछि पटकपटक सेवा अबरुद्ध बन्दै आएको बताइएको छ । बर्षातको समय सुरु हुने बित्तिकै सेवा अवरुद्ध बन्न थालेपछी बर्सेनि स्थानिय बासी अद्यारोमा बस्न बाध्य हुँदै आईरहेका छन् ।

बर्सेनि विद्युत सेवा अवरुद्ध बन्दै आएको भएता पनि पुन निर्माणमा सरोकारवाला क्षेत्रहरुले चासो नदेखाएको स्थानीयहरुको गुनासो रहेको छ । विद्युत सेवा संचालनमा आएको ७/८ बर्ष बितिसक्दा पनि अहिलेसम्म प्रभावकारी ढंगले सेवा उपभोग गर्न नपाएको स्थानीयहरुले दुखेसो पोख्दै आईरहेका छन् ।

बिधुतिय नहर ठाँउठाँउमा भासिएको करिब दुई बर्ष बितिसक्दा पनि, पुन निर्माणका लागि पहल गर्दा सरोकारवाला निकाय मौन बसेका छन् । नहर पुरै पुन निर्माण गर्नुपर्ने देखिन्छ । दुईवटा वडा बासिहरुले विद्युत उपभोग गर्दै आएका छन । दुईवटै वडाले विद्युत प्रती चासो देखाएको छैन । ठाउँठाँउमा पाइपहरु जडान गरेर विद्युत संचालनमा ल्याउने गरिएको थियो ।अहिलेसम्म ब्यवस्थापन समिति र सम्बन्धित वडा सरकार मुख दर्शक बनेका छन् कार्तिकमा पनि स्थानीय वासिहरु अध्यारोमै बस्न बाध्य भएका छन् । पाइप मात्र जडान गरेर पुन संचालनमा ल्याउने हो भनेपनि अझै दुई हप्ता लाग्न सक्छ । तर पुन संचालनका लागि पहल भने केही भएको देखिन्न एक स्थानीय युवा विद्यार्थी समिर खड्काले भने ।

बर्सेनि विद्युत सेवा अवरुद्ध हुने भएकोले स्थानीयले सास्ती खेप्दै आईरहेको उनको भनाई रहेको छ । विद्युत सेवा अवरुद्ध बनेपछि सरकारी कामकाजहरु थप्प बनेपछी सेवा ग्राही वडाबाट पाउनुपर्ने सेवा सुबिधाबाट समेत बन्चित हुँदै आएको अर्का स्थानीय राजेश सुनारले बताए ।

यो बिषयमा यता ब्यवस्थापन समितिलाई बुझ्न खोज्दा कोहि सम्पर्कमा आएका छैनन् । विद्युत सेवा अवरुद्ध बनेपछि मोनाईल फोन चार्ज गर्न नपाउदा संचारको समेत समस्या भएको बताइएको छ ।

तीन दिन सम्म आएको लगातारको अविरल बर्षाका कारण देशभरका अधिकान्स जिल्लाहरुमा ठूलो मानवीय क्षेती भएको छ । बिशेश गरेर सुदुरपक्षिमका भित्र्याउन लागेको अन्न बाली बारीमै नस्ट हुनुका साथै विभिन्न ठाउँहरुमा धनजनको क्षेती संगै कयौं परिवारहरु बिस्थापित बनेका छन् । सुदुरपश्चिम मात्र करिव २८ जना भन्दा बढीले वाडी पहिरोमा परेर ज्यान गुमाएका छन् । पहाडी जिल्लाहरुमा वाडी पहिरोका कारण विभिन्न ठाउँहरुमा विद्युत सेवा अबरुद्ध बन्नुका साथै संचार सेवा समेत अवरुद्ध बनेको छ । कतिपय ठाँउहरुमा विद्युत सेवा र संचार सेवा अहिलेसम्म पनि संचालनमा आउन सकेका छैनन् ।

बर्षातको समयमा त हरेको बर्ष क्षेती बेहोर्नु पथ्र्यो नै तर यो बर्ष कार्तिकको माहिना लागिसकेपछी पनि वाडी पहिरो बाट ठुलो मानवीय क्षेति भए संगै धेरैले ज्यान गुमाउनुका साथै थुप्रै परिवारहरु बिस्थापित बन्नु परेको छ । सबैभन्दा ठूलो क्षेती किसानहरुको भएको छ । पाकेर भित्र्याउन लागेको बाली भित्र्याउन नपाउदा किसानहरु निकै मार्कामा परेका छन् । बर्षभर खेतीयोग्य जमिनमा खेतीपाती गरेर दिन गुजारा गर्दै आएका किसानहरुमा कसरी दिन गुजारा गर्ने होला भन्ने चिन्ता व्यक्त गर्दै आईरहेका छन् ।अव किसानहरुको ध्यान सरकार प्रती केन्द्रित भएको देखिन्छ । सरकारले राहत उपलब्ध गरि दियो भने त हुन्थ्यो भन्ने आपेक्षा राख्दै आईरहेका छन् । सरकारको यो बिषयमा ध्यान नजाने हो भने भोकमरीका कारण ज्यान गुमाउनु पर्ने अवस्था सिर्जना हुने सम्भावना उच्च रहेको छ । किसानहरुले भोकमरीमा  ठुलो सस्ती खेप्नु पर्ने देखिन्छ ।