330 पटक पढिएको
बाजुरा–जिल्लाको बडिमालिका नगरपालिका वडा न ८ रापकमान गरपालिकाको आयोजनामा धामी झाक्री र पुरोहित हरु संग एक दिने अन्तरक्रिया कार्यक्रम गरिएको छ ।बडिमालिका नगरपालिकाले नगरपालिका भित्रका प्रत्येक वडामा अनुगमन गरेको थियो । नगरपालिकाले पुरै नगरपालिकालाई छाउपडी गोठमुक्त पालिका बनाउने रणनीति अगाडि सारेको छ । समयसमयमा नगरपालिकाले आफ्नै आयोजनामा छाउपडी पर्था सम्बन्धि तालीम, गोष्ठी,जस्ता अभिमुखिकरण कार्यक्रम संचालन गर्दै आइरहेको छ । यो अभियानमा नगर उपप्रमुख आफै सक्रिय भुमिका निर्वाह गर्दै आइराख्नु भएको छ । नगरउपप्रमुख बिष्ट पालिकका प्रत्येक वडाम आफै पुगेर सर्वसाधारणहरु संग अन्तरक्रिया गर्नुका साथै यो सम्बन्धि जनचेतना फैलाउदै परमपरागत सोच बिचार भएका नगरवासिहरुलाई सुझाउदै आइरहेकी छन् ।
सोही अन्तरगत नगरउपप्रमुख कविता बिष्टको नेतृत्वमा प्रत्येक वडामा छाउपडीको अवस्था बारे अनुगमन गरिएको थियो । अनुगमनमा नगरपालिकाका २ वटा वडाका केही बस्तीहरुमा महिलाहरु महिनावारी हुदा अझै पनि महिनावारी हुदा महिलाहरु असुरक्षित ठाउँमा बस्दै आएको पाइएको थियो । नगरपालिकाले छाउपडी गोठ मुक्त गर्न अभियान नै संचालन गर्दै आएको भएतापनि अझै यस्तो अवस्था भेटिएपछि पुनः जनचेतनाकाे अभाव रहेकाे महसुस गर्दै कार्यक्रमकाे अायाेजना गरिएकाे हाे । नगरउपप्रमुख कबिता बिष्टका अनुसार सोही दुई वटा वडाहरुलाई ११२ औं अन्तर्राष्ट्रिय नारी दिवसको अवसरमा छाउपडी गोठमुक घोषणा गर्ने तयारी रहेको बताएको छ । दुई वटा वडाहरुलाई छाउपडी गोठ मुक्त घोषणा गर्ने तयारी रहेको हुदा अझै महिनावारी हुदा असुरक्षित रुपमा बस्दै आइरहेको बस्तीमा पुनः एक दिने अन्तरक्रिया कार्यक्रम गरेर मात्र छाउपडी गोठ मुक्त घोषणा गर्ने निर्णय नगरपालिकाले गरेकोले आज वडा न . ८ रापकमा एक दिने अन्तरक्रिया कार्यक्रमको आयोजना गरि समपन्न भएको नगर उपप्रमुख बिष्टले जानकारी दिनुभयो । साथै उहाँले त्यहाँका किशोरीहरुलाई स्यानेटरी प्याड निर्माण सम्बन्धि एक दिने प्रशिक्षण समेत गरिएको बताउनु भयो ।
धामी झाक्री र पुरोहितहरुलाई एक दिने अन्तरक्रिया संगै किशोरीहरुलाई स्यानेटरी प्याड निर्माण बारे गरिएको पशिक्षण कार्यक्रम एक औपचारिक कार्यक्रमका बिच सम्पन्न भएको हो । औपचारिक कार्यक्रम बडिमालिका नगरपालिका वडा न . ८ का वडा अध्यक्ष प्रकाश रावलको अध्यक्षतामा सम्पन्न भएको हो । अध्यक्ष रावलको अध्यक्षतामा सम्पन्न भएको कार्यक्रममा प्रमुख अथिती, नगर उपप्रमुख कविता बिष्ट रहनुभएको थियो । कार्यक्रममा बिशिस्ट अथिती बडिमालिका नगरपालिका वडा न . ८ का वडा सदस्य नर एडी रहनुभएको थियो । । विभिन्न गैर सरकारी सघ सस्थाका कर्मचारी , प्रहरी पत्रकार , स्थानीय, किशोरीहरुको उपस्तिथि रहेको थियो ।
कार्यक्रममा बोल्दै नगर उपप्रमुख बिष्टले नगरपालिकालाई नै छाउपडी गोठमुक्त नगरपालिका बनाउने अभियानमा जुटिरहेको हुदा सबैको साथ सहयोग आवश्यक रहेको बताउनु भयो । साथै उहाँले महिनावारी प्राकुतिक नियम भएको बताउदै महिनावारी हुदा अन्धबिश्वासको भरमा परेर अहिलेको एक्काइसौँ सताव्दिमा पनि महिला दिदिबहिनिहरुलाई बिभेद गर्न नहुने प्रष्ट पार्नुभएको हो । स्थानियहरुलाई छाउपडी पर्थाको असर र यसले समाजमा पारेको नकरात्मक असर र समस्याको बारेमा पनि अवगत गराउनु भएको हो । अवका दिनहरुमा छाउपडीका नाममा कुनै पनि प्रकारका समस्या भोग्नु नपर्ने बिश्वास कार्यक्रममा व्यक्त गर्नुभएको छ ।
कार्यक्रममा बोल्दै वडा अध्यक्ष प्रकाश रावलले यो कुपर्था परम्परा देखि नै सामाजिक समस्याका रुपमा रहदै आएको हुदा सवैले यसको अन्त्य गर्ने कुरामा एकिबद्ध भएर लाग्नु पर्नेमा जोड दिनुभयो । सामाजिक समस्याहरुले पनि समाजको बिकासमा समेत अवरोध सिर्जना गर्ने बताउदै यस्ता कुप्रथाहरु अझै रहिराद्यने हो भने समाजको बिकास प्क्रियाले समेत गतिसिलता नपाउने पनि बताउनु भयो । साथै उहाँले यो कुप्रर्थाको अन्त्यको लागि आफु वडाको तर्फबाट र आफ्नो व्यक्तिगत तर्फबाट लागि परेको र आगामि दिनमा पनि यस्ता समस्याहरुको अन्त्य गर्नका लागि सधै लागिपर्ने बताउन्ु भएको छ ।
