559 पटक पढिएको
बाजुरा , सावित्री रोकाया : बडिमालिका नगरपालिकाको सभा हलमा आयोजित मोबाईल पत्रकारिता (Mojo) तालिम आज सम्पन्न भएको छ। असार ११ गतेदेखि १३ गतेसम्म उक्त तालिममा जिल्ला स्थित विभिन्न संञ्चार माध्यममा कार्यरत २५ जना भन्दा बढि पत्रकार लाभान्वित भएका छन्।
नेपाल पत्रकार महासंघ बाजुराको आयोजना तथा बडिमालिका नगरपालिकाको सहयोगमा मोबाइल पत्रकारिता सम्बन्धि उक्त तालिममा सहभागीहरूलाई मोबाइल प्रयोग गरेर समाचार संकलन, सम्पादन, तथा प्रसारण गर्ने सीप प्रदान गरिएको र तालिममा पत्रकारिता क्षेत्रमा रुचि राख्ने नयाँ तथा क्रियाशील युवा, विद्यार्थी तथा संचारकर्मीहरूको उत्साहजनक सहभागिता रहनुका साथै यस तालिमले पत्रकारको क्षमता वृद्धि गर्न सहज हुने तालिम प्रशिक्षक भिषण राईले बताएका छन्।
महासंघका अध्यक्ष पदम बहादुर सिंहले तालिममा सहभागीहरूले आफुले सिकेका कुरा र सीपलाई समुदायमा सहि सूचना प्रवाह, सामाजमा घट्ने विभिन्न घटनालाई उजागर गर्ने तथा नागरिकको क्षमतामा सकारात्मक परिवर्तन ल्याउन प्रयोग गर्ने विश्वास व्यक्त गरेका छन्।
आज एक औपचारिक कार्यक्रमका बिच नेपाल पत्रकार महासंघका बाजुराका अध्यक्ष पदम बहादुर सिंहको अध्यक्षतामा संञ्चालन भएको तालिमको समापन कार्यक्रममा बडिमालिका नगरपालिका नगर प्रमुख अमर बहादुर खड्का प्रमुख अतिथी रहनुभएको थियो । त्यस्तै कार्यक्रममा बडिमालिका नगरपालिका प्रमुख प्रशासकिय अधिकृत पदम बहादुर माझी, प्रेस चौतारी नेपालका केन्द्रीय सदस्य कृष्ण ओली, प्रशिक्षक भिषण राई , प्रेस युनियन बाजुराकी अध्यक्ष संगिता तिमिल्सेना, प्रेस चौतारी बाजुराका अध्यक्ष लक्ष्मिराज पाध्याय लगायतको पत्रकारको सहभागिता रहेको थियो भने कार्यक्रमको संञ्चालन नेपाल पत्रकार महासंघका सचिव प्रेम रौलेले गरेका थिए। सहभागीहरूलाई प्रमाणपत्र वितरण गर्दै आयोजक संस्थाले यस्ता तालिमले स्थानीय पत्रकारिता क्षेत्रको विकासमा महत्वपूर्ण योगदान पुर्याउने विश्वास व्यक्त गरेको छ।
