बाजुरा– मुक्तककार वीर बहादुर बिष्टकाे “खण्सापका” नामक मुक्तक सँग्रह विमाेचन भएकाे छ । बाजुरा जिल्ला बडीमालिका नगरपालिका वडा नम्बर ९ चाैराठामा जन्मिएका बिष्टले आफ्नाे पहिलाे लेखन कृति प्रकाशन गरेका छन ।
धाैली देवि बिष्ट र भक्ते विष्टकाे सपूत सन्तान बिष्टले एम ए सम्मकाे अध्यायन पूरा गरेका छन भने उनी पुर्व नेपाल सरकारकाे स्थायी कर्मचारी पनि हुन । बाल्यकाल देखि नै लेखन बिधामा निकै नै रुचि राख्ने बिष्टले मुक्तक प्रकाशनमा ल्याएका हुन ।
आईतवार एक कार्यक्रमका समथ बडीमालिका नगरपालिकाकाे तालिम हलमा उक्त मुक्तककाे विमाेचन गरिएकाे छ । जिल्लाकाे जन्म भुमी बाजुरा र माता/पिताकाे समरणमा शब्द समायाेजन गरेर तयार पारेका छन ।
थुवाकाँध हेरिबस्याकी छन्, मेरी आमा ! डाँडाका घाम जस्तै साठी कट्याकी छन्, मेरी आमा !! निकै भावुक शब्दहरुले बुनिएकाे उक्त मुक्तक विमाेचन कार्यक्रममा जिल्लाका सराेकारवाला निकायका ब्यक्तिहरुकाे उपस्थिति रहेकाे थियाे । बिमाेचन कार्यक्रममा उपस्थित अधिकाँश बक्ताहरुले उनकाे लेखन काय्यमा थप निखारता र प्रगतिकाे कामना ब्यक्त गरेका छन ।











