638 पटक पढिएको
बाजुरा : बाजुरा जिल्ला अदालतमा आर्थिक बर्ष २०८१/०८२ मा १ सय ८० वटा मुद्धा दर्ता भएका छन् । गत आर्थिक बर्ष २०८०/०८१ बाट जिम्मेवारी सरेका ६९ र चालु आर्थिक बर्ष २०८१/०८२ मा १ सय ११गरि १ सय ८० नयाँ मुद्धा दर्ता भएका छन् ।
जिल्ला अदालतमा दर्ता भएका नयाँ मुद्धा मध्ये हालसम्म सबैभन्दा बढी सम्बन्ध विच्छेदका चालू आवका २५ र गत आवबाट जिम्मेवारी सरेर आएका ११ गरि ३६ वटा मुद्दा दर्ता भएका छन्। त्यस्तै हालसम्म अदालतमा दर्ता भएका मुद्दा मध्ये ६५ वटा फछर्यौट भएका र ४६ वटा मुद्धा फछर्यौट हुन बाकीँ रहेका छन् । गत आवबाट फछर्यौट हुन बाँकी रहेका मुद्धामा जिम्मेवारी सरेको नयाँ देवानी २१ र फौजदारी २३, रिट १ र पुनरावेदनको १ मुद्धा रहेको जिल्ला अदालत बाजुराले जनाएको छ।
जिल्ला अदालत बाजुरामा देवानीको तुलनामा सरकारवादी फौजदारीका सम्बन्ध विच्छेद , जवरजस्तीकरणी, चोरी, कर्तव्य ज्यान, बहुबिवाह जस्ता मुद्धा बढी दर्ता हुने गरेका छन् भने गत बर्षको तुलनामा यो बर्ष मुद्धा दर्ताको संख्या बढेको जनाएको छ।
जिल्ला अदालत बाजुरामा मंगलवार पत्रकारसँगको अन्तरक्रिया कार्यक्रममा जिल्ला न्यायाधीश सञ्जीव पोख्रेलले मुख्यतया ६, १२ र १८ महिनामा मुद्धा फछर्यौट गरी सक्नुपर्ने बताउदै न्यायाधीश पोख्रेलले अदालत परिवार सधै नागरिकरुलाई न्याय दिने प्रयत्नले अघि बढि रहेको बताएका छन्।
