बाजुरा –बाजुराको सदरमुकाम मार्तडीमा बाजा गाजा सहित सुदुरपश्चिम पदेशका प्रदेश प्रमुख देशराज जोशीलाई भव्य स्वागत गरिएको छ । प्रदेश प्रमुख जोशीलाई भ्रमणको क्रममा गृह जिल्ला बाजुराको मार्तडी पुगेपछी जिल्ला स्थीत सरकारी तथा गैरसरकारी कार्यालयका प्रमुख र स्थानियहरुले फुलमाला सहित स्वागत गरेका हुन ।

नेपाली काँग्रेसका महासमिती सदस्य समेत रहेका प्रदेश प्रमुख जोशी पहिलो पटक गृह जिल्ला बाजुराको भ्रमणमा आएका हुन् । साता लामो भ्रमण तालिका बनाएर बाजुरा पुगेका जोशीलाई बडिमालिका नगरपालिकाले भेटघाट तथा स्वागत गरेको हो ।जिल्ला बासीसँगको भेटघाट तथा अन्तरक्रिया र साक्षात्कार सहीतको भ्रमण लिएर प्रमुख जोशी बाजुरा आएका प्रदेश सचिवालयका फोटो अधिकृत तथा प्रदेश प्रमुखका प्रेस सल्लाहकार छक्क मल्लले बताए ।

प्रेस सल्लाहकार मल्लका अनुशार प्रदेश प्रमुखको गृह नगर बुढीगंगाबाट सुरु गरी जिल्लाका सबै स्थानिय तह भ्रमण गर्ने तालिका सहित बाजुरा पुगेका प्रदेश प्रमुख जोशीलाई बिभिन्न स्थानिय पालिकामा सम्मान तथा अभिनन्दन कार्यक्रम रहेको बताइएको छ । भोली सदरमुकाम मार्तडीमा एक कार्यक्रमका विच प्रदेश प्रमुख जोशी सम्वोधन गर्ने समेत उनले बताए ।