324 पटक पढिएको
बाजुराः जिल्लाको बडीमालिका नगरपालिका वडा नं. ९ मा स्थायी घर भएकी नन्दा थापाले नेकपा एमालेबाट बडीमालिका नगरपालिकाको उपमेयरको लागि टिकट पाएकी छन । बिगत लामो समय देखि पत्रकारिता पेषाबाट आवाज विहिनका आवाजहरुलाई बुलन्द गर्दै बिभिन्न समुदायको आवाजलाई माथी उठाउदै आएकी थापालाई नेकपा एमाले बडीमालिका नगर कमिटीले नगरको लागी उपमेयरमा टिकट दिएको छ ।
२०६५ सालबाट आफ्नो औपचारिक यात्रा पत्रकारिता संग जोडेकी थापाको एक दशक लामो पत्रकारिताको निकै नै अनुभव रहेको छ । बिभिन्न बर्गमा मानिसहरुको आवाजलाई राष्ट्रियकरण गर्दै समाजमा बेग्लै छवि बनाएककी थापालाई उप मेयरका लागि बलियो उम्मेद्वारी ठान्दै टिकट दिएको हो ।
नेकपा एमाले निकट पत्रकार संगठन प्रेस चौतारी नेपालमा रही पत्रकारिता गरेकी थापालाई बिशेषतः बाजुरा जिल्लाका सबै बस्तीहरुले चिन्ने गरेको छ । लामो समय सम्मको पत्रकारिता पेषाबाट नै समाज सेवा गरेकोले आफुलाई सबैले बिश्वास गर्ने उनि बताउछिन ।
नेपाल पत्रकार महासंघ बाजुराको सचिव र प्रेस चौतारी नेपालको अध्यक्षमा बहुमतमा बिजयी हुदै उनी खुला राजनितिमा आएकी छन । लामो समय देखिको पत्रकारिता पेषालाई भने उनले सदाका लागि बिश्राम लिएकी छन् ।
