डोटीः स्थानिय तह निर्वाचनको मतदान गर्न आउने यात्रु सवार वस डोटीमा दुर्घटना हुँदा ३० जना घाइते भएका छन । कैलालीको अत्तरियाबाट बाजुरा जाँदै गरेको बस डोटीमा दुर्घटना हुदा ३० जना घाईते भएका छन् । बिहीबार डोटीको पूर्वीचौकी गाउँपालिका–४ सानागाउँमा सु.प्र. ०१ ००१ ख ३१०८ नम्बरको बस दुर्घटना भएको प्रहरीले बताएको छ ।

डोटी जिल्लाको सानागाँउ प्रहरी चौकी नजिक विहिबार बस दुर्घटना मा परेको हो । बस दुर्घटना हुँदा कम्तीमा ३० जना घाईते भएको जिल्ला प्रहरी कार्यालय डाटीले जानकारी दिएको छ । बस सडक बाट करिब ३० देखी ४० मिटर तल खसेको छ ।

दुर्घटनामा परीे सामान्य घाइतेहरुकोे स्थानिय स्वास्थ्य संस्थामा उपचार भैरहेको र अन्य घाइतेहरूलाई उपचारका लागी जिल्ला अस्पताल डोटीमा ल्याउने कार्य भइरहेको डोटीका प्रहरी नायव उपरीक्षक (डिएसपी) भोला भट्टले बताए। घटनाबारे थप अनुसन्धान भैरहेको जनाएको छ ।

जिल्ला प्रहरी कार्यालय डोटीका अनुसार दुर्घटनामा बसमा सवार ३० जना घाइते भएका छन् उनीहरुमध्ये सामान्य घाइते भएकाहरुको स्थानीय क्लिनिकमा र अन्यलाई जिल्ला अस्पताल डोटी लगिँदै गरेको प्रहरीले जनाएको छ। घटनाबारे विस्तृत विवरण आउन भने बाँकी छ।