568 पटक पढिएको
बाजुरा- खप्तड छेडेदह गाउँपालिका वडा न . ६ मा ३७ घर पहिरोको उच्च जोखिममा परेका छन् । बिहिवार राती आएको अविरल बर्षाका कारण पहिरो गएको हो । पहिरोले जादा सो वडाको सुदाडा बिरखेत, खरिपातल र नाइनाका दलित बस्ती स्थानीयको खेतीयोग्य जमिन कटान गरेको र पहिरो गाउँ सम्मै पुग्दा घर समेत जोखिममा परेको वडा अध्यक्ष हर्क बहादुर बिष्टले जानकारी दिए ।
उनका अनुसार सुदाडाको र नाइनाको दलित बस्ती बढी जोखिममा छ । घर अगाडि पहिरो गएपछि त्यहाँका स्थानीय निकै त्रसित भएका छन् । त्रासले घर छोडेर लेख तिर बसाई सारेको स्थानीयले बताएका छन । करिव २०० घरदुरी बसोवास गर्दै आएको उक्त बस्ती पहिला देखि नै पहिरोको उच्च जोखिमा थितो । उच्च जोखिममा रहेका घरका गाई गोरुहरु अन्न लगायत अन्य सामाग्रीहरु गाउँ लगिएको पनि बताइएको छ । तत्कालै बस्ती स्थानान्तरण गर्नुपर्ने वडा अध्यक्ष बिष्टले बताउनुभयो । सो पहिरोका कारण बडिमालिका नगरपालिका वडा न . १ का दुई वटा घर पनि जोखिममा रहेको वडा न . ६ वडा स्तरीय बाल संजालका अध्यक्ष बिरेन्द्र बिष्टले बताएका छन् ।
पहिराले मानविय क्षति भने गरेको छैन । उक्त बस्ति पुरै स्थानान्तरण गर्नुपर्ने माग त्यँहाका स्थानियको छ । तत्काललाई उच्च जोखिममा रहेका बाढी पिडितहरुलाई वडाको तर्फबाट पाल बितरण गर्ने तयारी भइरहेको वडा अध्यक्ष बिष्टले बताएका छन्। बस्ति स्थानान्तरण गर्नका लागि थुप्र पहल भएको वडा अध्यक्ष बित्रष्टको भनाई छ । फेरी पनि बस्ति स्थानान्तरणका लागि पहल गर्ने अध्यक्ष बिष्टले बताएका छन् ।
