480 पटक पढिएको
बाजुुरा- हिमाली गाउँपालिका वडा नं. ६ पाँडी घर भएका कर्णसिंङ रावलले नागरिकता नपाएको गुनासो गरेका छन।
२०७८ साल पुष महिनाको पहिलो हप्तामा हिमाली गाउँपालिकाको आयोजनामा र जिल्ला प्रशासन कार्यालय मार्तडीमाको सहयोगमा हिमाली गाउँपालिकामा कार्यालय धुलाचौरमा नागरिकताको अनुसूची संकलन घुम्ती शिविर सन्चालन गरिएको थियो । आफ्नो पनि शिविर भएको धुलाचौरमा आएर प्रहरी मुचुल्का देखि लिएर नाता प्रमाणीकरण गराएर सबै कागज प्रक्रिया पूरा गरेर धुलाचौर बाट खटिएका जिल्ला प्रशासन कार्यालय बाट आएका कर्मचारीले कागजपत्र लिएर गएका हुन ।
केहिसमय पछि नागरिक आउन्छ भन्ने आशामा १७ दिनसम्म धुलाचौर बजारमा बसेको थियो । त्यसपछि जिल्ला प्रशासन कार्यालय नागरिकता पठाउदा सबैको नागरिकता आएको थियो । भने आफ्नो नागरिकता नपठाएको हुँदा आफू घरमा फर्केको रावलले बताएका छन।
आफुले बैशाख ३० गतेको निर्वाचनमा स्थानीय तहको चुनावमा आफ्नो मताधिकार पनि मतदान हाल्न पाइन जस्मा नेपाल नागरिक भएर पनि आफ्नो अधिकार प्रयोग गर्न नपाइने अबस्था रहेको थियो । आफुले अहिलेसम्म चुनावमा कुनै मदान गर्ने पाइएको छैन । तर यश पटक आफू नागरिकता पाए पाछी चुनावमा आफुले चाहेको मान्छेलाई भोट दिने ठाउँमा मदान गर्नुपछ भन्ने ठूलो आशाका साथ रहेको बताए छन । नागरिकाता बनाएपछि बैंकमा खाता खोल्ने विचार राखेको रावलले बताउनु भएको छ।
विगत आफु भारतमा ३२ बर्ष जेल जीवन विताइ ८ वर्ष ज्यामी काम बिताइरहेका थिए । घरमा ४० बर्ष पछि जन्मभुमी घर फर्केका थिए । घरमा आमा बुवा र दाईसँग सामान्य विवाद हुदा सानो बच्चाको उमेरमा एका-एक घरबाट भागेर भारत गएको बताएका छन ।
घरबाट भागेर भारतको उत्तराखण्डको चम्फावती , अलमुडा भन्ने ठाउमा करिव ८ बर्ष सम्म ज्याला मज्दुरी गरी काम गरीरहेको बेला साथीहरुले ज्यान मारा काण्डमा फसाएर जेल जानु परेको थियो । उनले भारतको पिर्थगाड र बनारास बरेली र हरिताल स्थानमा ३२ बर्ष जेल जीवन विताएका थिए ।
आफु ४० बर्ष भारतमा जीवन विताई सके पछि जन्मभूमि फर्केको थिए। आफु घरबाट भागेर जाने बेला घरमा आमा , बुवा र दाई थिए र अहिले उनीहरु सबैको मृत्य भएपछि घरमा कोही नभइ आफन्तको घरमा बस्दै आएको बताएका छन ।
