421 पटक पढिएको
बाजुरा– जिल्लाको पहिलो मिडया हाउस बडीमालिका मिडिया हाउसद्वारा शुभकामना आदान प्रदान कार्यक्रम सम्पन्न गरेको छ । मिडिया हाउसले जिल्लामा रहेका असहाय अशक्त, गरिव, दिन दुखी बालबालिकाहरुलाई सहयोग गर्दै अनएको छ । यसै क्रममा मिडिया हाउसले बर्ष भरी सहयोग गरेको छात्रबृत्तिको वारेमा जानकारी गरेको छ ।
बिजया दशमी तथा शुभ दिपावलीको अवसर पार्दै मिडिया हाउसले शुभकामना आदान प्रदान कार्यक्रम गरेको छ । बडीमालिका नगरपालिकाको तालिमहलमा सम्पन्न भएको शुभकामना आदान प्रधदान तथा छात्रबृत्ति जानकारी कार्यक्रमको अध्यक्षता मिडिया हाउसका संचालक÷सम्पादक प्रकाश सिंहको अध्यक्षतामा सम्पन्न भएको हो ।
कार्यक्रममा जिल्ला समन्वय समिति प्रमुख तुल्सीराम रोकाया प्रमुख अतिथी रहनु भएको थियो । कार्यक्रममा बडीमालिका नगरपालिकाकी नगर उप–प्रमुख नन्दा थापा, नेपाल पत्रकार महासंघ बाजुराका अध्यक्ष छक्क मल्ल, मालिका नमुना उच्च माबिका प्राचार्य शुभराज पाध्याय, बडीमलिका नगरपालिका वडा नं. ७ का वडा अध्यक्ष धर्मराज पाध्याय, बडीमलिका नगरपालिका वडा नं. ८ का वडा अध्यक्ष चन्द्र बहादुर थापा, बडीमलिका नगरपालिका वडा नं. ९ का वडा अध्यक्ष सुर्यकिरण बिक, नेपाल रेटक्रस बाजुराका सभापति रम बहादुर शाही लगायत पत्रकारहरुको उपस्थिति रहेको थियो ।
शुभकामना आदन प्रदान तथा छात्रबृत्ति जानकारी कार्यक्रममा शुभकामना मन्दब्य राख्दै प्रमुख अतिथी, बिशिष्ट अतिथी र अथीतिहरुले बडीमालिका मिडिया हाउसले गरेको सहारनिय कामको उच्च सम्मानका साथ थप आगामी दिनहरु यस्तै कार्यहरु गर्न आग्रह गर्नु भएको छ ।
