141 पटक पढिएको
धनगढी– सत्तागठबन्धनमा रहका दलहरुले पनि प्रतिनिधि र प्रदेश सभा सदस्यको उम्मेदवार टुंगो लगाएका छन् ।
कैलाली निर्वाचन क्षेत्र नम्बर ५ सहित नेपाली काँग्रेसले प्रतिनिधि सभा सदस्यका लागि तीन क्षेत्र पाएको छ । नेपाली काँग्रेसले कैलालीको निर्वाचन क्षेत्र नम्बर १, ४ र ५ पाएको हो ।
जिल्लाका पाँच निर्वाचन क्षेत्रमा माओवादी केन्द्रले २ निर्वाचन क्षेत्र पाएको छ । माओवादी केन्द्रले जिल्लाको निर्वाचन क्षेत्र नम्बर २ र ३ पाएको हो । नेकपा एकिकृत समाजवादी पार्टीले भने, प्रदेश सभा सदस्यमा चित्त बुझाएको छ । एकिकृत समाजवादी पार्टीले कैलालीको निर्वाचन क्षेत्र नम्बर ३ को २ र ४ को २ पाएको हो ।
प्रदेश सभा सदस्यका लागि १० निर्वाचन क्षेत्र रहेको कैलालीमा नेपाली काँग्रेसले पाँच निर्वाचन क्षेत्र राखेको छ । कैलालीको निर्वाचन क्षेत्र १ को प्रदेश सभाका दुबै क्षेत्र, निर्वाचन क्षेत्र नम्बर २ को १, निर्वाचन क्षेत्र नम्बर ३ को १ र निर्वाचन क्षेत्र नम्बर ५ को २ नेपाली काँग्रेसले राखेको हो ।
माओवादी केन्द्रका लागि तीन निर्वाचन क्षेत्र छोडिएको छ । जिल्लाको निर्वाचन क्षेत्र नम्बर २ को २, निर्वाचन क्षेत्र ४ को २ र निर्वाचन क्षेत्र ५ को १ माओवादी केन्द्रका लागि छोडिएको हो । आगामी मंसिर ४ गते हुने प्रतिनिधि र प्रदेश सभा सदस्यको निर्वाचनका लागि दलहरुले उम्मेदर टुंगो लगाएका हुन् । निर्वाचन आयोगले आइतबार मनोनयन दर्ताको मिति तोकेको छ ।
प्रतिक्रिया
सम्बन्धित खवर
