बाजुरा– जिल्ला निर्वाचन कार्यालय बाजुराले शनिबार सर्वदलिय बैठक सम्पन्न गरेको छ । आशन्न मंसिर ४ गते हुने संघ तथा प्रदेशको निर्वाचनलाई सभ्य र भयरहित बातावरणमा सम्पन्न गर्न सरोकारवाला संग सर्वदलिय बैठक बोलाइएको हो । प्रमुख निर्वाचन अधिकृत जिल्ला न्यायधिश ढाँकाराम पौडेलको अध्यक्षतामा सर्वदलिय बैठक सम्पन्न भएको हो । बैठकमा जिल्ला स्थित राजनितिक दल सुरक्षा निकायका प्रमुख तथा पत्रकारहरुको उपस्थिति रहेको थियो ।

जिल्ला निर्वाचन कार्यालय बाजुराका कार्यालय प्रमुख नवराज अवस्थीले संचालन गरेको बैठकमा आगामी मंसिर ४ गते हुने संघ तथा प्रदेशको निर्वाचनमा सबैले आचारसंहिता पालना गर्न बैठकमा छलफल भएको थियो ।

त्यस्तै बैठकमा राजनितिक दलहरुदले पनि सम्यमिति भएर निर्वाचनमा भाग लिन प्रमुख निर्वाचन अधिकृत ढाँकाराम पौडेलले निर्देशन दिनु भएको थियो । निर्वाचनको समयावधिभर के गर्न हुने के गर्न नहुने भन्ने विषयमा जिल्ला निर्वाचन कार्यालयका प्रमुख नवराज अवस्थीले प्रस्ट पार्नु भएको थियो ।

सबै राजनितिक दलहरुले प्रत्यक्ष र समानुपातिको टिकट टुङ्गो लगाइ सके पछि असोज २३ गते प्रमुख निर्वाचनको कार्यालयमा मनोनयन दर्ता गर्ने समय तय गरिएको छ । मनोनयन दर्ता गर्दा २५ जना भन्दा बढी उपस्थित हुन नपाउने पनि उल्लेख गरिएको छ । मनोनयन दर्ता गर्दा पाटीका झण्डाहरु अत्याधिक प्रयोग नगर्न र नारा जुलुस कोलाहल नगर्न पनि प्रमुख निर्वाचन अधिकृतको कार्यालयले जनाएको छ ।

प्रदेश तथा प्रतिनिधी सभा सदस्य पदका लागि हुने निर्वाचनमा उम्मेद्वारहरुले गर्न पाउने खर्चको विवरणको वारेमा पनि बैठकले प्रष्ट पारेको थियो । बाजुरा जिल्लाको हकमा क्षेत्र (क) मा २३ लाख, क्षेत्र (ख) मा २१ लाख र प्रतिनिधी सभा सदस्यका उम्मेद्वारले ३१ लाख खर्च गर्न पाउने प्राब्धान रहेको निर्बाचन अधिकृत पौडेलले प्रष्ट पार्नु भएको हो ।

निर्वाचनको समयावधि भर कुनै एक राजनितिक दलले अर्को राजनितिक दल वा ब्यक्ती प्रति आँच आँउने, समजलाई खलल पुर्याउने र मतदान स्थलमा मतदाताहरुलाई स्वतन्त्र वातावरणमा मतदान गर्न पाउने वातावरण सृजना गर्न सबैले सहयोग गर्नु पर्ने कुरा अनुरोध गरिएको छ ।

बैठकमा जिज्ञासा राख्ने राजनितिक दलका नेताहरुले स्थानिय तह निर्वाचनमा दुइ पटक मतदानको समस्या खेपेको बाजुरा जिल्लाले सघ र प्रदेशको निर्वाचनमा त्यस्तो वातावरण दोहोरिन नदिन सुझाब दिएका छन । यस बिषयमा सुरक्षा निकायले जिम्मेवारी भएर काम गर्नु पर्ने अधिकाँश नेताहरुको भनाइ रहेको थियो ।

आफ्नो जिज्ञासा राख्दै राजनितिक दलबाट बोल्दै नेकपा एमाले जिल्ला कमिटी सचिव भरत बहादुर थापाले निर्वाचन गराउने काम निर्वाचन आयोगको भएकोले राज्य सत्ताले गर्न नहुने कुरामा खवदारी गरेका छन । बैठकमा बोल्दै नेता थापाले स्थानिय तह निर्वाचन जस्तै निर्वाचन अयोग भन्दा राज्यले निर्वाचन गराउने दाँउ गर्यो भने जे पनि हुसन सक्ने ठोकुवा गरेका छन ।

त्यस्तै आफ्ना कुरा राख्दै नेपाली काँग्रेस जिल्ला कार्य समिति सह सचिब सुरेन्द्र सिंहले पटक पटकका निर्वाचनमा केहि वडा तथा मतदान केन्द्र हरु अछुत रहने केही सहपाठी राजनितिक दलहरुले एकलौटी मतदान केन्द्रलाई नियन्त्रणमा लिएर बु्द कब्जा गर्ने गरेकोले नेपाली काँग्रेसलाई यस्तो सैह नहुने कुरामा ठोकुवा गर्नु भएको छ । त्यस्तै बैठकमा आफ्नो सुझाब राख्दै नेकपा माओवादी केन्द्र शुदुर पश्चिम प्रदेशकी सदस्य कोमल कुमारी शाहले नेकपा माओवादी केन्द्रलाई सानो पाटी भनेर अपहेलित गर्ने प्रबृतिलाई हटाउनु पर्ने कुरामा जोड दिएकी छन ।

आसन्न मंसिर ४ गते हुने संघ तथा प्रतिनिधी सभा निर्वाचनका लागि देशभर असोज २३ गते मनोनयन दर्ता गर्ने समय तय भएको छ । मनोनयन दर्ता समय बिहाद १० बजे देखि बेलुका ५ बजे सम्म रहेको प्रमुख निर्वाचन अधिकृतको कार्यालय बाजुराले जनाएको छ । मनोनयन दर्ताका क्रममा सबै राजनितिक दलहरुले सम्यमित भएर उपस्थिति जनाउनु पर्ने कुरामा जोड दिदै प्रमुख निर्वाचन अधिकृत ढाँकाराम पौडेलले पत्रकारहरुले समाचार संकलन, प्रसारण तथा प्रकाशन गर्दा कुनै पनि दलको उम्मेद्वारलाई पक्ष बिपक्ष गरी नलेख्न अनुरोध गर्नु भएको छ ।

निर्वाचन समयावधि भर सबै पत्रकारहरुले सत्य तथ्य समाचार तथा सूचना संकलन गरी जनता सम्म पुर्याउन सहयोग गर्न आग्रह गर्नु भएको छ । सर्वदलिय बैठक जिल्ला समन्वय समितिको हलमा सम्पन्न भएको हो । बैठकमा प्रमुख जिल्ला अधिकारी प्रकासचन्द्र अधिकारी, प्रहरी नायव निरिक्षक शुर्य थापा, अनुसन्धान अधिकृत अशोक भट्ट, ससस्त्र प्रहरी निरिक्षक भिम चौधरी, प्रमुख सेनानी दिवाकर खड्का लगायत सुरक्षा निकायका पदाधिकारी, राजनितिक दलका प्रमुख एबम प्रतिनिधी र पत्रकारहरुको उपस्थिति रहेको थियो ।