453 पटक पढिएको
बाजुराः बाजुरामा भुकम्पले गरेको क्षतीको विवरण संकलन कार्य अझै जारी रहेको छ । आज थप चार घरहरुमा पुर्ण रुपमा क्षती भएको विवरण जिल्ला प्रहरी कार्यालयलाई प्राप्त भएको जिल्ला प्रहरी कार्यालय बाजुराका प्रहरी निरिक्षक दानसिंह भण्डारीले प्रभावित क्षत्र तर्फ खटिएको प्रहरीकोृ टोलीलाई उदृद गर्दै बताउनु भएको छ। मंगलबार गएको भुकम्पका कारण बाजुरामा ८८ घरहरु पुर्ण रुपमा भत्किएका छन् । यस्तै जिल्ला भर १४ वटा गोठहरुमा पनि पुर्ण रुपमा क्षती पुयाएको छ। । जिल्ला प्रहरी कार्यालय बाजुराका प्रहरी निरीक्षक दानसिंह भण्डारीका अनुसार भुकम्पका कारण बढी क्षती खप्तड छेडेदह गाउँपालिकामा गरेको छ भने बुढीगंगा नगरपालिका र बडीमालिकामा पनि क्षती गरेको छ । यस्तै गौमुल गाउँपालिमा पनि क्षती गरेको बताइएको छ।
प्रहरीका अनुसार हालसम्म बुढीगंगा नगरपालिकाका १८ घर खप्तड छेडेदह गाँउपालिकाका ४५ वटा घर, बुढीनन्दा नगरपालिकाका ७ वटा घर बडीमालिका नगरपालिकामा ४ घर त्यसैगरी गौमुल गाँउपालिकाका का १४ वटा घर गरी जम्मा ८८ वटा घरहरुमा पुर्ण रुपमा क्षती पुर्याएको जिल्ला प्रहरी कार्यालय बाजुराले जनाएको छ । प्रहरीका अनुसार खप्तड छेडेदह गाँउपालिका वडा न। ५ मा भैँसि बाध्ने छाना अर्थात १४ वटा गोठहरुमा पुर्ण रुपमा क्षती गरेको बताइएको छ। यस्तै जिल्लाभर १०५ घरहरुमा आशिक क्षती भएको छ भने १७० घरहरुमा सामान्य क्षती भएको बताइएको छ। यस्तै जिल्लाभर २ वटा सरकारी कार्यालयमा पुर्ण रुपमा क्षती भएको जिल्ला प्रहरी कार्यालय बाजु्राले जनाएको छ ।
९ वटा सरकारी कार्यालयमा आंशिक क्षती गरेको भने १७ वटा कार्यालयमा सामान्य क्षती भएको छ । भुकम्पका कारण २ जना घाइत भएको भएपनि सामान्य उपचारपछी घर फर्किसकेका छन् । मानविय क्षती भने बाजुरामा भएको छैन ।आंशिक रुपमा बाजुराका प्रत्येक गाउँका दर्जनौं घरहरूमा क्षती पुर्याएको छ । क्षेतीको विवरण आउने क्रम जारी रहेको पनि प्रहरीको भनाई छ । क्षतीको विवरण संकलन भएपनि हालसम्म भुकम्प पीडित परिवारले राहत भने पाएका छैनन् । कतिपय प्रभावित क्षत्रमा न त प्रहरीको टोली पुगेको छ नत जनप्रतिनिधि नै पुगेका छन् । हिजो देखि खुला आकास मुनि प्रभावित परिवारहरु जागाराम बस्न बाध्य छन् ।
