278 पटक पढिएको
बझाङ- बझाङमा जिप दुर्घटना भएको छ । जिल्लाको छविस पाथिभेरा गाउँपालिका वडा नम्बर ७ खोरी स्थित कच्चि सडक खण्डमा जिप दुर्घटना भएको हो । भाडे बजारबाट बुडखोरी तर्फ जादैं गरेको सु.प.प्र. ०१००१ ज १२६६ नम्बरको जिप आज बिहान १० ३० बजेतीर बे्रकफेल भएर सडकमा पल्टिएको जिल्ला प्रहरी कार्यालय बझाङले जनाएको छ ।
जिपमा आठ जना सबार रहेको भएपनि ६ जना घाइते भएको प्रहरीले जनाएको छ । घाइते हुनेमा छबिसपाथिभेरा गा.पा.-७ बड्खोरीका २५ बर्षिय ईनार महत ,३० बर्षिय प्रकाश धामी, २५ बर्षिय अशोक धामी, १६ बर्षिय निरज धामी,१६ बर्षिय सन्तोष धामी,३१ बर्षिय राम बहादुर धामी रहेका छन् ।
घटना भएको जानकारी हुने बितिक्कै प्रहरी सहायक निरीक्षक गणेश दत्त भट्टको कमाण्डमा ३ जनाको प्रहरी टोली गई घाईतेहरुलाई जिल्ला अस्पताल बझाङमा ल्याउन लागीएको छ । चालक बुडखोरी बस्ने ३० बर्षिय बिनोद बहादुर धामीलाइ प्रहरीले नियन्त्रणमा लिएको छ ।
प्रतिक्रिया
सम्बन्धित खवर
