राम बहादुर दानी–करिव एक हप्ता देखि चर्को बिबादमा रहेको मार्तडी थामलेख सडक खण्ड अन्तर्गत पर्ने सडक मंगलबार खोलिएको छ । बडिमालिका नगरपालिका वडा नंं २ माझिगाँउबाट जाल्पा देबि सम्म जोड्ने सडक खण्ड पटक पटक बिवादमा परि रहेको छ । एक हप्ता देखि भुलिएको बिवाद मंगलबार मात्र दुवै गाँउका जन प्रतिनिधी र जान्ने मान्ने मान्छेहरुको रोहवरमा जिल्ला प्रशासन कार्यालय बाजुरामा बैठक बसी आपसी सम्झौता र सहमतिमा खोलिएको छ ।

मार्तडी थामलेख सडक–खण्ड अन्तर्गत पर्ने भौनेरा माझिगाँउ हुँदै जाल्पा देबि सम्म जोड्ने सडक खण्डमा नियमित सुचारु भएको रोड हुँदा हुँदै वडा नंं २ माझिगाँउको बाटो भएर अर्को सडक जाल्पादेबि सम्म जोड्ने गरी घामताप्ने सम्म डोजर पुगे पछि वडा नं. १ का करिव ७७ जना स्तथानियहरुको सँयुक्त हस्ताक्षरितमा वडा कार्यालयमा बिज्ञप्ती दिए पछि सो घाम ताप्ने सम्म निर्माण कार्य रोकिएको थियो । यसरी सो ठाँउमा सडक निर्माण कार्य रोकिए पछि उता वडा नंं. २ का स्थानियहरुले समेत मार्तडी थामलेख सडक खण्डमा पर्ने काफलखेतमा आइतवार डोजरको प्रयोग भई रोडमा कयौँ टनका ढुङ्गाहरु थुपारेर अवरोध पारिएको थियो । यसरी दुबै गाँउका स्थानियहरुको दोहोरो झडप हुने सम्म सम्भावना भए पछि प्रशासन मार्फत प्रहरी परिचालन गरी मंगलबार बाटो खुलाइएको हो ।

मंगलबार जिल्ला प्रशासन कार्यालय बाजुरामा बसेको दुबै वडाका जन प्रतिनिधीहरुको रोहवरमा दुबै सडक नियमित खोल्ने कुरामा सहमति भएको छ । यसै क्रमममा वडा नंं २ बाट वडा अध्यक्ष डम्मर महत, दान बहादुर खत्री, रामे दमाई, कर्ण महत र नरे दमाईको उपस्थित रहेको थियो । त्यस्तै वडा नंं १ बाट वडा अध्यक्ष राम बहादुर कार्की, वडा सदस्य रघुनाथ जोशी र वडा सदस्य हिमा ल्वारको उपस्थित रहेका थिए । दुबै गाँउका जन प्रतिनिधीहरुको दोहोरो समझदारीमा दुबै ठाँउको बाटो नियमित सुचारु गर्ने, दुबै सडकको स्तर उन्नति गर्ने, कुँनै पनि पक्षबाट सडक अवरोध नगर्ने, दुबै ठाँउका सडकलाई ग्याबिन जाली वाल लगाएर लैजाने कुरामा सहमति भएको वडिमालिका नगरपालिका वडा नंं. १ का वडा अध्यक्ष राम बहादुर कार्कीले जानकारी दिनु भएको छ ।