412 पटक पढिएको
सावित्री रोकाया,बाजुराः राष्ट्रिय युवा संघ बाजुराले जिल्ला अस्पताल बाजुरामा एमडिजिपी डाक्टरको माग गर्दै ध्यानाकर्षण पत्र बुझाएको छ ।
जिल्ला अस्पताल बाजुराका निमित्त मेडिकल सुपरिटेन्डेन्ट डा. चन्द्रशेखर यादवलाई भेटेर आइतबार ध्यानाकर्षण पत्र बुझाएको युवा संघका सचिव बिष्न कार्कीले बताए ।
सचिवका कार्कीका अनुसार उक्त ध्यानाकर्षण पत्रमा जिल्ला अस्पताल बाजुरामा एमडीजिपी डाक्टरको अनिवार्य दरबन्दी तत्काल ब्यवस्थापन गर्नुका साथै बालरोग बिशेषज्ञ डाक्टरको ब्यबस्थापन गरि बिशेषज्ञ डाक्टर, नर्स तथा स्वास्थ्यकर्मीहरुका लागि उचित सेवा सुबिधा को सुनिश्चितता गरिनु पर्ने माग गरिएको छ ।जिल्ला अस्पतालमा आधुनिक उपकरण सहितको स्वास्थ्य सुबिधा को सुनिश्चित गरि नेपाल सरकार द्वारा निः शुल्क प्रदान गरिने सबै किसीमका औषधीहरु पुर्याउनु पर्ने उल्लेख गरिएको छ ।
अस्पतालमा बिशेषज्ञ डाक्टर नहुदा बाजुरा जस्तो बिकट गाउँबस्तीका मानिसहरु सामान्य सर्जरी, सुत्केरी महिलाको उपचार लगायत विभिन्न रोगका बिरामीलाई एम्बुलेन्सको महङ्गो भाडा तितेर उपचारमा जाँदा कसैको अबस्था नाजुक भएका कारण बाटोमै ज्यान पनि जान सक्ने बाजुरेली बासीहरुका पीडा छन ।उपचारको लागि अस्पताल पुग्दा सामान्य खालका बिरामीलाई पनि रेफर गरेर बाहिर पठाउदा उपचार खर्च महङ्गो तिर्नुपर्ने बाध्यता को अन्त्य गरि समस्या समाधान गर्न सम्बन्धित सम्पूर्ण निकायले अगाडि सर्नु पर्ने माग युवा संघ बाजुरा ले गरेको छ ।
अस्पतालका निमित्त मेडिकल सुपरिटेन्डेन्ट डा.चन्द्रशेखर यादवले उक्त ध्यानाकर्षणपत्र बुझ्दै सबै समस्या समाधानको पहल भइरहेको र तत्काल समस्या समाधानका लागि जिल्ला स्थित सम्पूर्ण राजनितिक दल सरोकारवाला निकायहरुसंग छलफल गरिरहेको बताएका छन् ।
