347 पटक पढिएको
बाजुरा: नेपाली काँग्रेस जिल्ला कार्य समिति बाजुराका उपसभापति गोविन्द्र मल्लले जिल्लाको नेतृत्व सहमतिमा छनोट गर्नु पर्नेमा जोड दिएका छन् । एक व्यक्तिलाई दुई पद नहुने गरी नेतृत्व हाँक्न सक्ने योग्य व्यक्तिलाई सहमतिबाट चयन गर्नु पर्ने बारे बहस भइरहेको बताएका छन् ।
रेडियो बाजुरासँग कुरा गर्दै मल्लले सहमतिका लागि आफूले पद त्याग गर्न सक्ने संकेत गरेका छन् । पार्टी नेतृत्व चयनमा सहमति हुन्छ भने सबैले मान्नु पर्ने र त्यसका लागि त्याग गर्न तयार हुनु पर्ने धारणा राखेका छन् ।
सहमतिमा नेतृत्व चयन हुने संभावना कम रहेकोले निर्वाचन हुने अवस्था आए आफ्नो पनि सभापतिमा उम्मेदवारी रहने बताएका छन् । हिमाली गाउँपालिकाका अध्यक्ष समेत रहेका मल्लले पार्टी र सत्ता दुई मध्ये एक पदमा उम्मेदवारी रहने बताएका छन् ।
पार्टी सभापति भएको खण्डमा गाउँपालिका अध्यक्षमा दाबी नरहने र सभापति नहुने अवस्था आए थप एक कार्यकालका लागि गाउँपालिका अध्यक्षमा लड्ने मल्लको भनाई छ । पार्टी भित्र सहमतिबाट नेतृत्व चयन हुने संभावना कम रहेकोले दुइ पक्ष चुनावी मैदानमा देखिने बताएका छन् ।
योग्य नेताहरुको सूची धेरै भएपनि अहिलेसम्म उम्मेदवारको रुपमा रामसिंह रावलले आफ्नो दाबी पेश गरेको बताएका छन् । देउवा वा अर्को कुनै पक्ष कमजोर र बलियो भन्ने विषय भन्दा पनि विचार समूह व्यक्तिको अनुहार हेरेर रोज्ने बताएका छन् ।
शिक्षा स्वास्थ्य खानेपानी, टेलिफोन र वृक्षारोपण कार्यक्रम मार्फत खाद्यन्न सुविधा कार्यक्रम प्रभावकारी भएको बताएका छन् । गाउँपालिकाका कुनै पक्ष र पार्टीलाई विभेद र अपमान नभएकोले केही हल्ला बाजहरुको पछि नलाग्न आग्रह गरेका छन् ।
