मिन बहादुर खड्का– जिल्लाको खप्तड छेडेदह गाउँपालिकाको आटिचौर स्थित दशरथ मा.वि.को भएको तेस्रो छेडेदह  फुटवल प्रतियोगिता कार्तिक १० गते सम्पन्न भएको छ । कार्तिक १ गतेबाट औपचारिक रुपमा संचालन हुने भनिएको भएता पनि अविरल पानीले गर्दा कार्तिक ४ गतेबाट औपचारिक रुपमा खेलको उद्घाटन भएको थियो ।
समापन कार्यक्रम छेडेदह स्पोर्टस क्लवका अध्यक्ष लोकेन्द्र खड्काको अध्यक्षतामा भएको थियो । कार्यक्रमको प्रमुख अतिथी पुर्व संविधान सभा सदस्य महाँ  नेपाली  रहनु भएको  थियाे ।

७ दिन सम्म चलेको फुटबल खेलमा २७ वटा टिमहरु दर्ता भएका थिए भने वर्षाका कारण २० वटा टिमहरु मात्र सहभागी भएको आयोजकले जनाएको छ । खेलमा कन्सन बाजुराले प्रथम स्थान हात पारेको छ भने दोस्रो स्थान रानिवन स्पोर्ट क्लवले हात पारेको छ ।
समापन कार्यक्रममा नगद पुरस्कार, टफी र प्रमाण पत्र बितरण भएको हाम्रा संवाददाता मिन बहादुर खड्काले जानकारी दिएका छन् । समापन कार्यक्रममा बेल्दै प्रमुख अतिथी महाँ नेपालीले युवाहरुको उत्प्रेरणलाई जागृत गर्न र थप हौसला दिन खेल क्षेत्रमा आफुले कुनै कसुर नराखेर आगामी दिनहरुमा अथक पहल गर्ने बताएका छन ।