सिन्धुली– नेपाली कांग्रेसका महामन्त्री शशांक कोइरालाले सर्वोच्चकोे विवाद समाधान नभए लोकतन्त्र नै समाप्त हुने बताए । मंगलबार सिन्धुलीमाढीमा संचारकर्मीसँगको कुराकानीमा कोइरालाले सर्वोेच्च अदालतमा भइरहेको विवादको निकास प्रधानन्यायधीश आफैंले अग्रसर भएर ननिकाले देश धेरै अप्ठेरोमा पर्ने र बल्ल तल्ल लडेर ल्याएको लोकतन्त्र नै समाप्त हुने बताएका हुन् ।
बिहिबार सिन्धुलीमा भएको पत्रकार सम्मेलनमा महामन्त्री ससाङ्क कोइराला, नेपाली काँग्रेसका केन्द्रिय सदस्य बद्री पाण्डे लगायतका नेताहरुको सहभागिता रहेको थियो । सञ्चारकर्मीहरु संगको कुराकानीमा बोल्दै युवा नेता वद्री पाण्डेले पनि नेपाली जनताले ल्याएको लेकतन्त्रको खिल्ली उडाउने काम भएकोले सर्वोच्चको विवादको समाप्त हुन जरुरी रहेको बताएका छन् ।
‘सर्वोेच्च अदालतमा भइरहेको विवादको निकास प्रधानन्याधीश आफैंले अग्रसर भएर निकाल्नु पर्छ । सर्वोच्चको विवाद लम्बिंदै जाँदा लोकतन्त्र नै खतरामा पर्छु, उनले भने, देशमा संवैधानिक संकट आउन नदिन प्रधानन्यायाधीश चोलेन्द्रशमसेरले राजीनामा गरेर होस अथवा आफ्ना साथीलाई सम्झाएर समाधान त गर्नैपर्छ’, उनले भने ।

सर्वोेच्चको विवाद समाधान गर्न राजनीतिक दलबाट निकास ननिस्कने भन्दै प्रधानन्यायाधीश आफैं बसेर सरसल्लाह गरिी निकास दिनुपर्ने उनको सुझाव छ ।
अर्को एक प्रसंगमा महामन्त्री कोइरालाले कांग्रेस महाधिवेशन तोकिएकै समयमै सम्पन्न हुने जिकिर गर्दै महाधिवेशन नभए पार्टीको अस्तित्व नै संकटमा पर्ने बताए ।

उनले भने, ‘अब फेरि कुनै पनि बहानामा महाधिवेशनको मिति सार्ने छुट कसैलाई छैन । समयमा महाधिवेशन नभए पार्टीको अस्तित्व माथि नै प्रश्न उठ्छ ।’

यति बेला कार्यकर्ताको ध्यान महाधिवेशनमा भएको र आफूले सभापतिमा उम्मेद्वारी दिने महामन्त्री कोइरालाको भनाइ थियो । आफू बीपी पुत्र भएकाले सभापतिको दरिलो उम्मेद्वार आफू नै भएको उनको जिकिर छ ।

महामन्त्री कोइरालाले सरकार रहुन्जेल यो गठबन्धन कायम रहने उल्लेख गर्दै आगामी निर्वाचनमा भने कांग्रेस एक्लै चुनावमा जाने स्पष्ट पारे। उनले नेपालमा एमसीसी आवश्यक भएको भन्दै संविधान अनुरुप नै छिट्टै दुईतिहाइ बहुमतका साथ सदनबाट सरकारले एमसीसी पास गर्ने समेत खुलसा गरे।