76 पटक पढिएको
धनगढी–कैलालीको लम्कीचुहा नगरपालिकामा चक्कु प्रहारबाट एक युवक घाइते भएका छन्। आइतबार राति चक्कु प्रहारबाट वडा नम्बर १ खुन्टीखेतका स्थानीय दिनेश नेपाली घाइते भएका छन् । बिहेमा नाचगान गरिरहेका बेला उनको कोखामा एक समूहले चक्कु प्रहार गरेको आफन्तले बताएका छन् । घाइते नेपालीलाई उपचारका लागि कोहलपुर मेडिकल कलेजमा लगिएको आफन्तले वताएका छन् ।
इलाका प्रहरी कार्यालय लम्कीका अनुसार चक्कु प्रहार गर्ने समूहका ३ जनालाई पक्राउ गरिसकेको बताइएको छ । अन्य फरारको खोजी भइरहेको प्रहरीले जनाएको छ । प्रहरीले पक्राउ परेकाहरुको विवरण भने सार्वजनिक गरेको छैन ।
गत कात्तिक २३ गते मात्रै सोही ठाउँका २३ वर्षीय भूपेन्द्र बडुवालमाथि चक्कु प्रहार भएको थियो । उनको हत्या आरोपमा प्रहरीले ९ जनालाई पक्राउ गरेर अनुसन्धान गरिरहेको छ। बाँकी ६ जना भने अझै फरार छन ।
श्रोत दिनेश खबर
प्रतिक्रिया
सम्बन्धित खवर
