412 पटक पढिएको
बाजुरा– “एकका लागि सबै र सवैका लागि एक” भन्ने मुल नारा बोकेको उपरकोट बहुउद्देश्यीय सहकारी संस्था लिमिटेडको प्रथम साधारण सभा तथा अधिवेशन शनिवार सम्पन्न भएको छ । सबै नागरिकहरुका भावना र व्यवहार मार्फत व्यक्ति, परिवार, समुदायको आर्थिक एवं सामाजिक उत्थान गर्ने उद्देश्यका साथ स्थापना भएको बहुउद्देश्यिय सहकारी संस्थाको अधिवेशन सम्पन्न भएको संस्थाका सदस्य कर्ण बहादुर रावलले जानकारी दिएका छन ।
बडीमालिका नगरपालिका वडा न. ८ पुजारीवाडा स्थित यस सहकारीको आफ्नै सभाहलमा अधिवेशन सञ्चालन भएको हो । कार्यक्रमा प्रमुख अतिथि नेपाली काँग्रेस बाजुराका निवर्तमान सभापती कविराज पण्डित हुनुहुन्थ्यो ।
विशिष्ट अतिथिमा नेपाली काँग्रेस बाजुरा प्रदेश ख का सहसचिव महेन्द्र रावल, बडिमालिका नगरपालिका वडा न। ८ का वडा अध्यक्ष प्रकास रावल हुनुहुन्थ्यो । अतिथीमा नेपाली काँग्रेस बडीमालिका नगर कमिटि सचिव कर्ण ब रावल र वडा सभापती बिर ब थापा हुनुहुन्थ्यो ।
कार्यक्रमको अध्यक्षता संस्थाका अध्यक्ष विरेन्द्र ब रावल र सञ्चालक सचिव मान ब रावलले गर्नुभयो । कार्यक्रममा संस्थाका अध्यक्ष विरेन्द्र ब रावलले सहकारीको आर्थिक प्रतिवेदन पेश गर्नुभएको थियो । साथै सभाले संस्थाको बचत तथा ऋण परिचालन निति २०७८ समेत परित गरेको छ । कुल ५१ जना शेयर सदस्य रहेको संस्थामा शेयर पुँजी ५१००० र बचत रकम १४५९७१५ रहेको छ ।
आजै पुनः नया कार्यसमिति गठन भएको छ । नयाँ सञ्चालक समितिको अध्यक्षमा पुनः विरेन्द्र ब रावल र सचिवमा मान ब रावल लगाएत ९ सदस्यीय कार्यसमिती चयन भएको छ । यस्तै लेखा समिति , शिक्षा उपसमिति, ऋण उपसमिति समेत चयन भएका छन ।
