136 पटक पढिएको
काठमाडौँ –सहिद स्मारक ‘ए’ डिभिजन लिग फुटबल अन्तर्गत आज दुई खेलहरु हुँदैछन् । लिगको ११ औं चरण अन्तर्गत आज दशरथ रंगशाला र एन्फा कम्प्लेक्समा एक एक खेल हुनेछन् ।
त्रिपुरेश्वरस्थित दशरथ रंगशालामा हुने खेलमा एपीएफ क्लब र मनाङ मर्स्याङ्दी क्लबबीच प्रतिस्पर्धा हुनेछ । एपीएफ र मनाङबीचको खेल दिउँसो १ बजे सुरु हुनेछ । मनाङ १० खेलमा २० अंक जोडेर दोस्रो स्थानमा रहेको छ । एपीएफलाई हराएर मनाङ दोस्रो स्थानमा यथावत रहन चाहन्छ ।
लिगको उपाधि भने मछिन्द्रले जितिसकेको छ । त्यसैले मनाङ दोस्रो स्थानमा रहन कोशिश गर्नेछ । एपीएफ १० खेलमा ११ अंक जोडेर नवौं स्थानमा रहेको छ । एपीएफ पनि मनाङलाई हराएर अंक तालिका सुधार गर्न चाहन्छ ।
सातदोबाटोस्थित एन्फा कम्प्लेक्समा हुने खेलमा न्युरोड टिम एनआरटी र संकटा क्लबबीच प्रतिस्पर्धा हुनेछ । एनआरटी १० खेलमा १४ अंक जोडेर सातौं स्थानमा रहेको छ भने संकटा १० खेलमा १५ अंक जोडेर पाँचौं स्थानमा रहेको छ । दुवैले एकअर्कालाई हराएर आ–आफ्नो अंक तालिका सुधार गर्ने योजनामा छन् ।
प्रतिक्रिया
सम्बन्धित खवर
