293 पटक पढिएको
बाजुरा– आइतवार बडीमालिका नगरपालिका वडा नं. ८ को रतुडामा छाउपडी गोठको अनुगमन गरिएको छ । रतुडामा कुनै पनि घरमा छाउ गोठ भने भेटिएका छैनन । सो टोलमा छाउ गोठ नभेटिए पछि अब वडा नं. ८ लाइ पुर्ण छाउगोठ मुक्त वडा घोषण गर्न सकिने वडा अध्यक्ष प्रकाश रावलले बताएका छन । अनुगमनमा बडीमालिका नगरपालिकाकी नगर उप प्रमुख कविता बिष्ट, प्रमुख प्रशासकिय अधिकृत रंगमल बिक, वडा नं. ८ का वडा अध्यक्ष प्रकास रावल, महिला तथा बालबालिका साखा, साहस नेपालका प्रतिनिधी, सुरक्षा निकायका प्रतिनिधी, नेपाल पत्रकार महासंघ बाजुराका उपाध्यक्ष पदम सिंह,रेडियो पौरखी स्टेशन मेनेजर राम बहादुर दानी र राष्ट्रिय समाचार समितिका बाजुरा संवाददाता प्रेम रौले लगायतको टोली अनुगमनमा गएको थियो ।
बाजुरा जिल्लाको एक बिद्यालयमा शिक्षिका रजस्वला हुँदा बिद्यालय जान निषेध गरिएको पाइएको छ । जिल्लाको बडीमालिका नगरपालिका वडा नंं. ८ रतुडामा रहेको जनप्रकास आधारभुत बिद्यालयमा छाउपडी शिक्षिकालाई बिद्यालय गए देउता रिसाउने हुँदा बिद्यालयमा जान नहुने स्थानियहरुको भनाई रहेको छ । आफुहरुलाई कार्य क्षेत्रका स्थानियहरुले बिद्यालय आउदा रजस्वला भएको बेला नआउन आग्रह गरेको बिद्यालयकी सह–शिक्षिका निरा बिष्ट बताउछिन ।
गाँउमा रहेको रतुडा तेउताको थानबाट सामुन्ने डिठमा रहेको सो बिद्यालयमा रजस्वला भएको बेला सो ठाँउमा गए पछि रतुडो देउता लाग्ने भ्रम रहि आएको छ ।बडीमालिका नगरपालिका सबै वडाहरुमा छाउगोठ मुक्त भएकोले २०७८ साल भित्रै नगरपालिकालाई छाउ गोठ मुक्त घोषण गर्ने अभियाँन रहेको भएता पनि कोभिटका कारण अर्को बर्ष मात्र घोषणा गर्न सकिने भएको छ । आइतबार वडा नं. ८ को रतुडामा अनुगमन गर्दा सबै घरहरुमा छाउ गोठ नभएको पाइएको छ ।
