367 पटक पढिएको
बाजुरा– बडीमालिका नगरपालिका वडा नं. ८ रापक र वडा नं. २ लाइ जोड्ने सुवाकाँध झुलंगे पुलको आइतवार उद्घाटन गरिएको छ । बडीमालिका नगरपालिको आर्थिस सहयोगमा निर्माण भएको उक्त झुलंगे पुलको बडीमालिका नगरपालिकाका मेयर पदम बडुवालले रिवन काटेर उद्घाटन गरेको हो । ११४ मिटर लम्वाई भएको सो पुल बन्दा आवतजावतमा सहज हुने सो ठाँउका स्थानियहरुले बताएका छन । बडीमालिका नगरपालिका वडा नंं २ का वडा अध्यक्ष डम्मर महतको पहलमा सो पुलको निर्माण भएको हो ।
आइतबार उद्घाटनमा बडीमालिका नगरपालिकाका मेयर पदम बडुवाल, उपमेयर कविता बिष्ट, बडीमालिका नगरपालिका वडा नं. ८ का वडा अध्यक्ष प्रकास रावल, वडा नं. २ का वडा अध्यक्ष डम्मर महत, संचारकर्मी लगायतको टोलीले सो पुलको उद्घाटन गरेको हो । पुलको उद्घाटन पछि स्थानियहरुसंग खुसी साँट्दै नगर प्रमुख बडुवालले आफ्नो कार्यकालमा आफुले आफ्नो विबेकले भ्याय सम्म सबै वडाहरुका हरेक क्षेत्रमा बिकासको गतिलाई तिव्रता दिएको बताएका छन । मेयर बढुवालले स्थानियहरु संग कुराकानी गर्दै आफु आगामी दिनहरुमा पदमा रहे पनि नरहे पनि आफ्नो ठाँउको बिकासका लागी एक कदम पनि पछाडी नहट्ने बताएका छन । जिल्ला सदरमुकाम मार्तडीबाट पुलको उद्घाटनका लागि गएका ब्यक्तीहरुलाई वडा नंं २ का स्थानियहरुले फुलमाला र टिका लगाएर भब्य स्वागत गरेका थिए ।
